PR Taur La Fiar Arguida Emilia Halai

DAUDARA: Prezidente Repúblika Taur Matan Ruak la fiar eis Ministra Finansas, Emilia Pires, ne’ebé sai arguida ba kazu sosa kama Ospital Nasionál Guidu Valadares halai husi prosesu justisa.

Tuir Taur, durante ne’e media sira mak públika informasaun katak arguida Emilia halai, maibé nia la fiar ba informasaun ne’e.

"Jornál mak hateten (arguida) Emilia halai ona, maibé ha'u la fiar nia halai," dehan PR Taur hodi responde ba preokupasaun husi komunidade sira iha Suku Daudara, Postu Administrativu Kailako, Munisipiu Bobonaro, ne’ebé kestiona kona-ba prosesu justisa hasoru arguida Emilia.

Xefe Estadu husu ba komunidade sira atu labele tauk Emilia atu halai husi justisa, tanba iha Interpol ne’ebé bele ajuda hodi halo kapturasaun.

Tuir Taur, bainhira arguida Emilia halai duni, ninia advogadu mak sei responsalbiliza.

"Ita tau fiar ba prosesu justica. Husik ba justisa hala’o sira-nia servisu,” katak nia. (*)

Tome Amado – Ola Timor - Editór: Tellukoro

Foto: Prezidente Republika Taur Matan Ruak deklara la fiar arguida Emilia Pires hala'i husi prosesu justisa. (Olatimornews FOTO: Aquino Campos)

Notisia Ligadu:

Opera Iha Australia, Tratamentu Iha Portugal

Kazu Emilia: Governu No Comment