DILI,
(ANTIL) - Maske iha reasaun barak sirkula iha públiku, Governu halo iha planu
di’ak kona-ba proposta Orsamentu Jerál Estadu (OJE) 2017, maibé Antonio Bianco
hanesan reprezentante povu iha Parlamentu Nasionál (PN) dehan, Governu tenki
hala’o duni investimentu públiku, atu iha kontinuasaun dezenvolvimentu.
“Tinan
2017, la iha projetu foun. Agora membru governu sira ida-idak, tenki konsentra
ba elisaun 2017,” Deputadu FRETILIN Antonino Bianco esplika ba ANTIL iha
PN foin lalais ne’e hodi hatan ba preokupasaun sosiedade sivil antes ne’e.
Tuir
Antonino Bianco, OJE 2017 ho total tokon $ 1.387 atu sustenta mós obra boboot
ne’ebé mak la’o ona no kontinua la’o hanesan parte investimentu iha
Infraestruktura. Maibé obra sira ne’e, la’ós dependen de’it ba OJE 2017,
tanba balun uza osan imprestimu.
“Bau
ha’u, investimentu nfraestruktura tenki hala’o duni, para bele atrai
investor sira hodi mai rai Timór,” Antonino Bianco argumenta.
Bainhira
kondisaun infraestrutura hanesan estrada, portu no aero portu la di’ak, susar
tebes atu halo kompetisaun ho nasaun seluk iha ASIA, atu atrai investor. Maibé
husu ba Governu atu gasta ozan ho rasional.
“Governu
tenki kontrata konsultor professional iha area teknika hodi supervisiona
implementasaun obra sira, maske Governu iha ona Agensia Dezenvolvimentu
Nasionál (ADN). Deputadu sira mós halo fiskalizasaun, maibé presiza konsultór.
Tanba ami la’ós ema tekniku,” Antonino Bianco fó hanoin.
Antes
ne’e, Piskizador Organizasaun Naun Govermental La’o Hamutuk, Juvinal Dias,
dehan, governu fraku tebes atu halo planu tanba proposta Orsamentu Jerál Estadu
2017 governu aloka tokon $77 inklui tokon $14 projeitu Suplay Base, tokon $15
ba Aero Portu Suai no tokon $35 ba autoestrada.
“Frakeza
governu nian mak planu, ita haree iha projeitu sira hanesan Tasi Mane, planu
fraku tebes,” Juvinal Dias informa ba ANTIL bainhira hasoru malu iha
edifisiu La’o Hamutuk foin lalais ne’e. (Jornalista : Manuel Pinto/Editór:
Otelio Ote)
Foto:
Antonino Bianco Deputadu FRETILIN
Sem comentários:
Enviar um comentário