DILI,
(ANTIL) - Deputadu Komisaun C Parlamentu Nasionál, Antonino Bianco hateten,
parlamentu sei buka maneira hodi haree hikas fila fali orsamentu jerál do
estadu 2017, liu-liu kona-ba bens de servisu, tanba deskonfia iha rubrika balun
mak aloka la iha produktividade.
“Hanesan
Deputadu, ami sei haree, karik iha orsamentu balun mak aumenta tan, tanba
promosaun iha laran. So que bens de servisu iha ami-nia haree, hanesan deputadu
dala barak mós aloka iha rubrika bar-barak iha ne’eba, maibé balun la iha
produktividade. Tanba ne’e, ami sei haree (Avalia) iha diskusaun iha
loron hirak mai ne’e (23/11),” Antonino Bianco informa ba ANTIL foin
lalais ne’e iha Parlamentu Nasionál.
Nia
dehan tan, iha rubrika sira hanesan servisu profesionais, bele iha posibilidade
atu parlamentu halo proposta hodi husu redusaun. Maibé sei haree hosi aspeitu
dependensia nafatin ba assessor internasionál ka la’e.
“Ami
tenki haree, tanba orsamentu tenki liga ho planu atividade ne’ebé hala’o iha
2017,” Antonino Bianco haktuir.
Atu
kontinua servisu iha instituisaun estadu, nia dehan, tenki preve osan ba bens
de servisu. maibé problema mak tenki rasionaliza orsamentu ho atividade no
volume servisu liga ho kustu, la’ós kustu boot liu volume servisu.
“Iha
diskusaun espesialidade, ami tenki buka hatene verba hanesan servisu diversu
seluk, ne’e mós tenki haree, tanba kustu sira-ne’e dala ruma aumenta, mais
problema ne’e mak atu halo saida,” Antonino Bianco reforsa.
Husu
ba komisaun tematiku sira, atu iha diskusaun espesialidade OJE 2017, bele
hasoru nia ministériu sira atu husu justifikasaun, uza osan iha bens de servisu
tuir rubrika ida-idak nian.
“Nune’e,
se esplikasaun ministériu konvensidu entaun osan ne’ebé mak iha la bele reduz
maibé la justifika ho di’ak, bele iha proposta atu reduz montante osan ne’ebé
tau ona iha proposta OJE 2017 nian,” nia dehan.
Nune’e
mós, ba orsamentu kapitál menor atu sosa kareta no sosa ekipamentu sira,
hanesan mós komputadór.
Tuir
livru panorama Orsamental Bens servisu tinan 2017, kona-ba Despezas osan
hamutuk millaun $368.9 no kapitál menór $11.9 millaun.
Entertantu
programa prinsipais OJE 2017 ida mak halo akuizisaun kareta ba membru
Parlamentu foun iha tinan 2017. (Jornalista : Manuel Pinto/Editór: Otelio
Ote)
Foto:
Deputadu FRETILIN Antonino Bianco
Sem comentários:
Enviar um comentário