DILI,
(ANTIL) – Estudante Timoroan nain 16 mak estuda tan iha Malázia ba tinan
2016, hodi hametin relasaun entre Timor-Leste ho Malázia iha área oioin, li-liu
edukasaun.
“Relasaun
entre governu Malázia ho Timor-Leste aumenta, liliu iha kooperasaun ba área
edukasaun no dadaun ne’e (2016) iha estudante 15 mak estuda tan iha Malázia”,
Embaixadora Malázia ba Timor-Leste, Citra Devi A. Pramia perante
profisionál komunikasaun sosiál sira, foin lalais ne’e iha Ministériu
Edukasaun, Vilaverde.
Devi
Pramia hatutan, TL nu’udar belun di’ak ba reinu Malázia tanba ne’e, nasaun rua
ne’e buka apoia no ajuda malu nafatin iha área oioin inklui edukasaun.
Hodi
hatutan tan, Malázia haksolok tebes no espera bele ajuda progresu TL bainhira
sai membru ASEAN (Association of South East Asean) iha futuru.
Nune’e
mós estudante sira ne’ebé estuda iha Malázia sei la-sente atrazadu tanba,
kultura Malázia kuaze atu hanesan mós ho TL nian katak ema mesak simpátiku,
tipu gastronomia (hahan), klima mós atu hanesan.
“Sira
sei lori hikas koñesimentu ne’ebé aprende iha Malázia, ha’u espera dala ida tan
bele kontribui ba Timor-Leste iha aspetu oioin”, nia espera.
Markos
Abi nu’udar bolseiru ida ne’ebé estuda iha Malázia agaredese ba oportunidade no
esforsu eh serbisu maka’as entre governu TL liuhusi Ministériu Edukasaun ho
reinu Malázia hodi bele estuda iha Malázia.
“Oportunidade
ne’ebé ami hetan la’ós hanesan prezente de’it maibé nu’udar rezultadu ida husi
esforsu no serbisu maka’as inklui kooperasaun entre Timor-Leste ho Malázia,”
nia apresia.
Hodi
reforsa estudu iha Malázia, Markos Abi uza lema ensinu rekorente TL nian katak
“Nunca é tarde para aprender”.
Direitu
ba edukasaun governu Timor-Leste liuhusi konstituisaun Repúblika Timor-Leste
(RDTL) konsagra ona iha artigu 59o (Edukasaun no Kultura) no subliña iha
alinea 2a artigu ne’e katak ema hotu iha direitu hanesan, ba oportunidade
atu eskola no ba formasaun serbisu/profisaun nian. (jornalista: Rafy Belo;
editora: Rita Almeida)
Foto:
Bendera Malázia no Timor-Leste
Sem comentários:
Enviar um comentário