Joventude Fretilin Labele Subar Aan

DILI – Joventude maka airin ba nasaun Timor Leste, tanba nee joventude Fretilin labele subar, maibe buka prepara aan hodi aprende lisaun politik neebe maka diak husi lider nasional sira.

Bernadio de Jesus Cristo hanesan Komisaun Politika Partidu Fretilin, Postu Administrativa Don Aleixo, Munsipiu Dili, husu ba Joventude partidu Fretilin sira atu labele subar aan, maibe iha insiativa buka prepara aan hodi aprende politika husi lider sira.

Joventude ba oin labele subar aan, maibe iha inisiativa oinsa prepara aan, I buka meus ba nia lider sira para atu aprende politika hanesan ami parende politika husi sira, para atu bele aseguru future partidu Fretilin, future nasaun ida nee ba oin,” dehan Bernadio, liu husi nia diskursu, bainhira Kanpres Lu-Olo halo lansamentu ba kafe Lu-Olo, iha Bebonok, Dili, Sabdu (25/02/2017).

Nia dehan, Joventude Fretilin husi oin ba oin tenke tuir politika Fretilin nian neebe hateten, ohin Fretilin, aban Fretilin no metin to rohan laek.

Iha fatin hanesan Felisberto de Araujo hanesan joventude Fretilin hateten, hanesan joventude Fretilin sempre buka aprende esperensia no matenek neebe maka lider nasional sira iha, atu nunee sai hanesan bukae baa ban bain rua.

Entretantu Kanpres Francisco Guterres Lu-Olo hateten, joven sira presiza hateten istoria hodi ondra istoria imi nia aman sira nian, imi avo sira nian, no Fretilin ninia istoria. Came Ximenes

Suara Timor Lorosae