Autoridade
xineza sira bandu ona manifestasaun kristaun ruma ne'ebé la halo iha igreja
sira ne'ebé autorizadu hosi Estadu iha rejiaun Xinjiang, iha extremu noroeste
nasaun nian, hanesan medida "antiterorista".
Pekin
nia desizaun afeta ema katóliku no ema protestante sira, haktuir hosi
funsionáriu ida hosi departamentu ba Asuntu Relijiozu sira no Minoria Étniku
sira hosi Rejiaun Autónomu Xinjiang, iha loron-kinta ne'e, ba Rádiu Free Asia
(RFA).
"Ema
hotu tenki reza iha igreja autorizadu sira", hatete hosi funsionáriu, hodi
hatutan katak igreja klandestinu sira hetan ona avizu hodi hapara lalais
atividade tomak.
Iha
Xina, manifestasaun kristaun sira nian hetan de'it lisensa iha ámbitu hosi
Asosiasaun Patriótiku Xineza nian, igreja katólika ne'ebé aprova hosi Estadu no
la depende ba Vatikanu.
Ofisialmente,
númeru hosi ema kristaun iha Xina kontinental hamutuk millaun 24, barak liu
hanesan ema protestante, ne'ebé la to'o 2% hosi populasaun xineza - populasaun
hamutuk millaun 1.375.
Akademia
Xineza ba Siénsia Sosial sira kalkula katak iha ema kristaun besik millaun 130
ne'ebé iha ligasaun ba "igreja klandestinu" sira.
Iha
semana liubá, polísia taka ona igreja rua iha rejiaun Xinjiang no kaer ona ema
na'in 20 resin ne'ebé hasoru malu iha fatin ne'ebá.
Polísia
afirma ona katak detensaun sira ne'e akontese tanba kampaña ida prevensaun nian
hasoru terorizmu, haktuir hosi RFA.
Xinjiang
sai beibeik hanesan fatin konflitu étniku entre minoria musulmanu uigur ho
maioria han, ne'ebé hanesan predominante iha knaar hosi poder polítiku no
emprezarial iha rejiaun.
Ho
área ida boot liu tebes hosi Portugal, rejiaun ne'e halo fronteira ho
Afeganistaun, Pakistaun ho Índia.
SAPO
TL ho Lusa
Sem comentários:
Enviar um comentário