Jornal
Nacional Diário, editorial
Proposta
lei rai nian nebe prepara desde segundo lejislatura maibe kaduka tiha hafoin
eleisaun jeral 2012. Lei rai nian nee, foin aprova iha terseiru lejislatura,
2017, hafoin debate nebe naruk iha komisaun A Parlamento Nasional ba asuntus
konstitusionais, justisa no poder lokal.
Lei
rai nian nebe Parlamento Nasional aprova ona nee sei lori ba Presidente
Republika hodi promulga antes tama iha vigor. Maibe tuir konstituisaun, se
Presidente Republika senti duvida artigu balu iha lei nee, maka sei konsulta ho
Tribunal Rekursu atu haree ninia aspetu konstitusionalidade.
Lei
rai nee povu hein kleur ona, tamba mosu disputa rai, komunidade ida hadau
komunidade seluk ninia rai, komunidade ba okupa ilegalmente uma no rai Estadu
nian no mos komunidade sira hein titlu rai nian.
Problema
rai sai fator impedementu ba desenevolvimentu nasaun nian durante nee, tamba
estatura rai ida seidauk klaru mak investidor sira la mai halo investimentu iha
rai laran tamba tauk, investe osan barak depois ikus mai problema rai mak ameasa
ba investimentu sira nee.
Agora
duvida mak lei rai nee jeralmente benefisia se?, ema sira nebe iha rai boot?
Rai nain? No oinsa rai ho uma Estadu nian nebe komunidade okupa durante nee?
Karik hasai deit ka tenki iha indiminizasaun ruma?
Durante
nee, governu halo despezu administrativo ba okupante sira uma no raui estadu
nian no mos sidadaun sira okupa propritariu privado, prosesu iha tribunal,
depois lakon, governu hasai despzu administrativo, duni ema hanesan animal, la
ho dignu.
“Ha’u
hakarak husu de’it, para aban bainrua iha implementasaun ba lei ne’e, labele
duni sai ita nia povu hanesan duni animal, ha’u hanoin presiza hasai sira ho
dignidade, kuandu iha despezas administrativu, tenta atu kompriende situasaun
ida ne’e, la’os lori polisia sira trankadu hodi duni sai ema hanesan animal,
ida ne’e ha’u la konkorda iha ha’u nia moris tomak,” dehan Eladio Faculto.
Komunidade
sira nebe iha rai, durante nee hein lei rai nian atu hetan titlu rai, hodi uza
sira nia rai, fo aluga ka fan tamba diretu rai nain. Tamba laiha lei,
seidauk iha titlu rai nain tan nee mosu problema, hadau malu rai, baliza nebe
dala barak hamosu problema, oho malu no lori mau too tribunal.
Los
duni, konstituisaun garante diretu sidadaun ida idak nia atu hetan rai pedasuk,
maibe nee mos tenki regula iha lei, se mak atu fo rai ba se no oinsa atu hetan
titlu ba rai estadu nian. Ne’ebe lei rai nee atu resolve problema kompliku,
nain ba rai.
Laiha
duvida, sidadaun iha diretu ba rai pedasuk, maibe lei mos proibe atu komunidade
sira faan rai arbiru, se lae ita rai nain halai sae foho, moris iha foho leten
maibe rai tetuk sira nee ema sosa hotu ona hodi halo investementu.
Atu
lei nee idak ka, kundo Presidente Republika promulga ona mak komunidade sira
tenki simu, tenki obedese. Tan nee Presidente Republika mos tenki haree didiak,
laos asina taka matan deit.
Nebe,
lei rai nee Presidente Republika promulga, tama iha vigor, pasu tuir mai mak
hakarak lakohi tenki fo ona titlu rai ba rai nain sira. Rai ida iha ona titlu
rai nain mak sei hafasil investedor sira mai investe iha rai laran.*
Sem comentários:
Enviar um comentário