José
Luis Guterres, nia belun sira bolu ho naran Lugu, garanti iha reseita hodi sai
nu'udar Prezidente timoroan nian: experiénsia internasional no kapasidade no
vontade hodi buka konsensu, halibur timoroan sira hodi evita dezakordu no halo
nasaun avansa.
"Timor
presiza prezidente ida ne'ebé hatene hetan konsensu, prezidente ida ne'ebé bele
reprezenta nasaun ho dignidade, ho matenek, iha estranjeiru, no ho kapasidade
iha nasaun buka konsensu nesesáriu hodi labele monu fali iha situasaun
instabilidade nian", nia hatete iha entrevista ida ba Lusa.
Iha
pozisaun dalima iha boletin votu entre kandidatu na'in ualu ba eleisaun
prezidensial sira iha loron 20 Marsu, José Luis Guterres konsidera katak
independente hosi kestaun partidáriu sira, Timor-Leste "presiza konsensu
nasional sira" maski bainhira iha opiniaun ne'ebé la hanesan.
"Líder
sira presiza hetan konsensu entre sira, no hatene hetan konsensu iha kestaun
importante sira ba nasaun. Tenki halo diálogu no debate hodi hetan solusaun
di'ak ba nasaun", nia defende.
"Bainhira
iha nasaun estranjeiru ida ne'ebé hakarak estraga ka halo Timor-Leste sai
hanesan estadu falladu ida, asaun dahuluk ne'ebé halo maka hamosu desakordu,
deskonfiansa entre lideransa nasional no tanba ne'e ha'u defende maka'as katak
líder polítiku sira, la haree ba partidu polítiku, militar ka sivil, presiza
iha uniaun", nia konsidera.
Maski
opiniaun ne'ebé la hanesan iha "importánsia no di'ak ba demokrasia no
nasaun" labele iha desakordu iha tema sira importante tebes hanesan
ezemplu definisaun ba fronteira tasi nian, prosesu ne'ebé lidera hosi Xanana
Gusmão ne'ebé tenki hetan apoiu hosi ema tomak.
Lian
ida hosi parte externu rezisténsia timoroan nian hasoru okupasaun indonéziu,
Lugu sai ona nu'udar embaixador iha ONU, ministru Negósiu Estranjeiru no
visi-primeiru-ministru entre tinan 2007 no 2012, iha tempu ne'ebé Timor-Leste
rekupera hela hosi krizi maka'as tinan 2006 nian.
Xanana
Gusmão lidera ona AMP, Aliansa hosi Maioria Parlamentar (AMP), no Frente
Mudansa (ne'ebé hahú hanesan Fretilin Mudansa) to'o iha ezekutivu hafoin hetan
tiha, liuhosi votu di'ak ida, hodi halakon obstákulu 3% ne'ebé permiti nian
hodi halo parte iha Parlamentu Nasional.
Ohin
loron nia hatete katak hakarak lori ba Prezidénsia experiénsia boot ida ne'ebé
inklui pasajen "gratifikante" ida liuhosi Governu ne'ebé nia destaka
lideransa ne'ebé nia halo iha ekipa interministerial ne'ebé rezolve ona
problema hosi ema deslokadu iha nasaun laran hamutuk rihun resin tanba krizi
tinan 2006 (ne'ebé Timor-Leste kuaze tama iha konflitu internu boot ida).
Empeñadu
hodi "kontribui ba dezenvolvimentu, estabiliza demokrasia no hametin
liberdade" Timor-Leste nian, kandidatu ba eleisaun sira nian iha loron 20
Marsu hatete katak aprezenta aas nu'udar "oan-mane ida hosi rai nian"
ne'ebé disponível hodi "kontinua serví povu".
Fiar
iha apoiu maka'as ida, Lugu salienta diferensa sira ne'ebé haketak nia hosi
kandidatu favoritu, atual prezidente Fretilin nian, Francisco Guterres Lu-Olo,
kompañeiru iha partidu durante tinan 30.
Hadook
aan hosi nia antigu partidu iha tinan 11 nia laran, tanba protestu ba lideransa
Lu-Olo no Mari Alkatiri nian, no hafoin pasajen hosi Governu hahú, iha inísiu
2015 nian no formasaun ba ezekutivu VI ne'ebé lidera hosi Rui Araújo, hodi fila
ba parlamentu.
Bainhira
hatán kona-ba membru na'in rua hosi FM hadook hosi Governu - ne'ebé iha membru
hosi partidu tolu seluk ho reprezentasaun parlamentar - José Luis Guterres
hatudu komprensivu ho desizaun ne'e.
"Iha
nesesidade ida hosi Xanana hodi hakbesik ba Fretilin", até hodi evita
"krizi ne'ebé ami hetan iha 2006. FM la haree de'it kestaun partidáriu
maibé ami haree ba nasaun iha parte ba nesesidade nasional sira", nia
refere.
Nia
insisti iha ajenda "alternativu" ida ne'ebé foka iha diversifikasaun
ekonómiku no defende knaat ativu liu hosi Estadu iha parte ne'e, inkluiajuda ho
liña sira kréditu nian hodi nune'e emprezáriu timoroan sira bele dezenvolve
projetu sira ne'ebé ajuda hamenus dependénsia iha importasaun sira hosi
Indonézia.
"Tinan-tinan
ami importa sasán ho folin dolar millaun 300 resin. To'o bee. Ho esforsu balun
ami bele hamenus dependénsia ne'e. Maibé área privadu laiha osan. Estadu bele
ajuda, apoia emprezáriu nasional sira hodi la depende liu ba importasaun hosi
Indonézia", nia explika.
SAPO
TL ho Lusa
Sem comentários:
Enviar um comentário