Kandidatu
Prezidente Repúblika (PR) ho númeru sorteiu 8, António da Conceição
“Kalohan” promote ba povu Ermera katak, karik eleitu sai Presidente Republika,
sei tau importansia ba edukasaun, saúde, agrikultura no komersiu hodi muda
situasaun ne’ebé akontese iha Timor.
“Sé
imi hakarak muda imi nia situasaun, desidi imi nia votu ba ha’u António da
Conceição, imi nia oan, imi nia jerasaun, maun boot sira nia jersaun, sé imi
hakarak abanbainrua imi nia oan eskola ho didiak, desidi mós ba ha’u, tanba
ha’u nia prioridade maka saúde, edukasaun, agrikultura no komersiu, tanba sá
maka ha’u hili prioridade haat (4) ne’e atu fó ha’u nia hanoin tomak ba
governu, tan Timor-Leste ne’e loron ida sei sai diak iha abanbainrua, bainhira
labarik ida labele lakon nia kesempatan ba sira nia eskola,”Kalohan liu husi
ninia diskursu iha kampaña aberta ba dala hat iha Gleno, munisípiu Ermera,
Kinta (09-03-2017).
Nia
esplika katak, ema hotu ne’ebé moris presiza rekursu umanus ne’ebé diak, saúde
mós tenki diak, atu nune’e ho klamár ne’ebé diak, tanba bainhira povu isin
moras hela de’it, sei labele halo buat ida.
“Saúde
mós sai prioridade ne’ebé mós ha’u tenke defende, defende liu husi orsamentu,
ne’ebé maka ha’u tenki haree katak ida ne’e fó duni fatin atu bele halo buat
ruma ba area saúde ninian, ha’u mós hanoin katak prioridade ida boot tebes maka
ita halo, tanba Timor ne’e foho maka barak, rai tetuk uitoan de’it, ita nia
populasaun ne’e maioria agrikultura, tanba ne’e ha’u sei defende Orsamentu
Jeral Estadu ida ne’ebé diak, naton sufisiente atu dezenvolve ita nia
agrikultura iha Timor Leste,” dehan Kandidatu ho númeru sorteiu 8 ne’e.
Nia
akresenta katak, hakarak defende mós komersiu industria no ambiente ninian,
maibé knaar ne’e haree boot teb-tebes ba nasaun, sei servisu ba komersiu iha
rai Timor, sei servisu mós ho seitor nasional, atu ema hotu bele benefisia ba
rai Timor.
“Karik
ha’u eleitu ba PR, ha’u sei tau prioriedade liu ba seitor hat (4) hanesan edukasaun,
saúde, agrikultura no komersiu, tanba sá maka ha’u hili prioridade haat (4)
ne’e atu fó ha’u nia hanoin ba governu,”tenik Kalohan.
Husi
sorin seluk eis veteranus reziaun 4, Ernestu Fernandes “Dudu” hateten, ema ida
atu sai PR, ne’e ema ne’ebé maka tenki diak no iha forsa uitoan hodi bele lori
nasaun ne’e ba oin ho diak.
“Hau
fo hatene ba veteranus tomak no Partidu barak iha Ermera, ita tenki fo liman ba
malu hodi haree didiak sé diak mak ita tenki halo, labele halo nar-naran deit,
tanba ne’e maka tenki hili jerasaun foun ida hodi lori nasaun ida ne’e ba oin,
ho ida ne’e maka tenki hili Antonio da Conceicão kalohan,” dehan veteranus
reziaun 4 ne’e.
Entretantu
tuir Prezidente Partido Democratico (PD), Mariano “Assanami” Sabino hateten,
segunda jerasaun oferese Kalohan kandidata an ba PR periodu 2017-2022, ho
rajaun Kalohan kandidatu ida ne’ebé maka forti, mai husi ran Frente
Revolucionaria do Timor-Leste Independente (FRETILIN), ran Nicolao Lobato no
lalatak La Sama.
“Kalohan
nuudar instrumentu ba jerasaun foun ne’ebé maka fó ninia prontidaun, prontu atu
tuir kompromisiu Maubisse I no Maubisse II, katak 2017 jerasaun foun no segundu
jerasaun rezistensia ninia tempu, tanba ita hotu hatene Kalohan maka reprejenta
frente klandestina, reprejenta joventude ne’ebé que ninian funsaun durante funu
suku la’os kateri para fahe,” dehan Assanami.
Nia
akresenta katak, tanba joventude sempre suku husi Assosiação Sosial Democrata
Timorense (ASDT) mai Frente Revolucionaria do Timor-Leste Independente
(FRETILIN), FRETILIN mai Conselho Nacional Resistensia Maubere (CNRM), CNRM mai
Conselho Nacional Resistensia Timorense (CNRT), no joventude sira hahú kuda no
suku mai husi masakre 12 Novembru, hahú hametin unidade nasional, hamosu
sumbriña CNRM no CNRT, nune’e agora Kalohan hamriik reprejenta joventude no atu
konstrui Estadu direitu demokratiku liu husi PR.
Kampaña
dahat Kalohan ninian ne’e karavana hahú husi postu administrativu Railaco to’o
Gleno, mezmu udan boot, maibé kuaje militante no apoiantes rihun ida ne’ebé mai
husi partidu KHUNTO, PD, reprejentante PDN, PLP, ASDT, PST munisípiu Ermera
balun maka mai harame Gleno-Ermera. ves
Jornal
Nacional Diário
Sem comentários:
Enviar um comentário