DILI,
(ANTIL) – Timor-Leste iha moras lymphatic filariasis ho pursentu
17,5 tuir dadaus Ministériu saúde ne’ebé fó sai ba públiku.
“Lymphatic
filariasis hanesan moras infeksiozu ne’ebé bele hamosu dezabilidade kauza hosi mikrofilaria ka
lumbriga ne’ebé da’et hosi susuk ba ema no moras ne’e hada’et hosi susuk anopheles, aides no culex“,
Prezidente Autoridade Munisipál Ermera, José Martinho dos Santos Soares liuhosi
komunikadu ne’ebé ANTIL asesu.
Nasaun
ne’e eziste ona pursentu 17,5. Munisípio Ermera detekta 30,5, posibilidade boot
atu bele hetan dezabilidade se la-hetan tratamentu sedu. Moras ain potis ne’e
rasik hamósu sintomas sira hanesan, isin manas, liman ain bubu, bubu iha orgaun
jenitál, bainhira la-halo tratamentu lalais bele hamósu dezabilidade ka
defisiénsia.
Nunee
mós lumbriga hada’et husi hahan ne’ebé kontaminadu, bele mós da’et husi rai
bainhira labarik inosente sira la uza sinelus hodi kalsu ain ba buat fo’er
sira, no bele da’et husi liman bainhira la-fase kuanda uza hodi haan.
Prezidente
Autoridade Ermera hatutan, prevalénsia ba moras lumbriga hamutuk pursentu 29,
liu-liu afeta ba labarik sira ho sinál mak hanesan so’e bee boot hetan
lumbriga, nunee mós bele muta ho lumbriga. Lumbriga ne’e rasik kauza mós ba
labarik ninia intelijénsia susar atu iha konsentrasaun di’ak ba estuda.
Kauza
seluk mós lumbriga supa raan iha isin no bele provoka anemia ka ran menus ka
bele mós iha posibilidade boot atu hetan mós malnutrisaun.
Atu
responde moras ne’e, Ministériu Saúde sei distribui aimoruk lumbriga ho ain
potis ne’ebé sei hala’o iha 22 to’o 23 Marsu ba segundu ronde. Primeiru hahú
ona iha 2015 no sei kontinua distribui aimoruk masál ne’ebé refere to’o 2020
atu kompleta manuál tratamentu ba moras lumbriga ho ain potis nian. (Jornalista:
Zezito Silva - Editora: Rita Almeida)
Foto: Prosesu
oinsá moras ne'e mosu. Foto Google
Sem comentários:
Enviar um comentário