Eis-prezidente
José Ramos Horta ohin dehan katak Nobel Páz ne’ebé nia simu hamutuk ho bispu
Ximenes Belo iha tinan 20 liu ba, maka hasa’e estatutu internasionál kona-ba
luta libertasaun Timor-Leste durante tinan barak.
“Karik
ita dehan katak luta diplomátika, iha rai-liur, maka desidi libertasaun
Timor-Leste nian, maka prémiu Nobel Páz importante liu atu hasa’e estatutu
Timor-Leste internasionalmente”, nia dehan.
José Ramos-Horta ko’alia lia hirak ne’e ba Lusa, bainhira iha Dili hala’o semináriu nomós enkontru oioin, ne’ebé konta ho partisipasaun hosi manan-na’in ho prémiu Nobel, hodi fó hanoin hikas kona-ba tinan rua-nulu (20.º) hosi atrbuisaun Nobel Páz ba timor-oan na’in rua.
Nia dehan, atribuisaun hosi prémiu ne’e, “la’os fó de’it ka halo de’it” no bainhira mos masakre Santa Cruz, iha 25-novembru-1991, maka “bolu ka fanun atensaun mundu nian kona-ba kazu Timor-Leste”.
Tuir Ramos-Horta, prémiu ne’e maka esplika, “kona-ba, tanbasá luta interna, akontese beibeik, nunka hotu” no tanbasá, hahú hosi Santa Cruz, “Portugal ho diplomasia portugeza ka’er metin asuntu Timor-Leste nian, ho determinasaun bot”.
"Laiha diplomata portugés únika ida, desde junior to’o senior maka lasimu orden hosi Ministériu Negósiu Estranjeiru nomós Governu katak Timor-Leste maka sai nu’udar kestaun prioritária”, dehan.
Ramos-Horta haktuir hikas katak ninia kandidatura ba Nobel ne’e, hato’o hosi grupu deputadu Islándia nian ida no paralelamente, sujere hosi deputada noruegueza ne’ebé halo parte iha Komité Nobel.
"Hosi bispu Belo, aprezenta hosi ema barak, inklui Durão Barroso, ne’ebé iha tempu ne’ebá hanesan MNE portugés”, nia dehan.
Eis-prezidente Repúblika dehan katak molok Nobel ne’e “nia sempre fi’ar” ba timor-oan ninia independénsia, tuir entrevista ne’ebé nia halo ba CNN iha maiu 1995, haktuir katak “iha tinan rua ka tolu rejime indonézia Suharto sei monu, tanba korupsaun, desgovernasaun no ilejitimidade ne’ebé aumenta”, tanba ne’e sei bele iha solusaun ba Timor-Leste.
"Liu tiha tinan tolu, Suharto monu/tuun. No hatene nafatin katak, sei bele iha koinsidénsia balun. Tanba molok ida ne’e, iha ona sinál katak nia sei tuun duni. No ikus mai tuun duni", nia so’e-lia.
Atu komemora tinan Nobel nian ne’ebé sei hahú aban to’o domingu, primeira dama, Isabel Ferreira realiza ona debate nomós sorumutu oioin iha Dili, ne’ebé konta mos ho partisipasaun hosi Horta.
“Alénde atu komemora prémiu rua ne’ebé fó ba timor-oan sira ne’e, sai mos hanesan oportunidade hodi halibur figura internasionál balun nomós hala’o debate kona-ba tema oioin iha Timor-Leste. Tanba ne’e ami halibur prémiu Nobel hosi área oioin, atu mai fahe informasaun ba ita-nia Governu, akadémiku, estudante ho sosiedade sivil sira, durante debate importante”, nia dehan.
Alénde timor-oan rua ne’ebé simu prémiu iha fulan outubru-1996, debate ne’ebé hala’o iha Dili, sei konta mos ho partisipasaun hosi Brian Schmidt, Prémio Nobel da Física de 2011, Finn Erling Kydland, Prémio Nobel da Economia 2004, Muhammad Yunus, Prémio Nobel da Paz de 2006 e Richard John Roberts, Prémio Nobel da Medicina de 1993.
Durante konferénsia loron rua, halo parte mos Adama Dieng, konselleiru Espesiál hosi sekretáriu-jerál Nasoens Unidas ba Prevensaun Jenosídiu, ho Gunnar Johan Stålsett, bispu Luterano Emérito de Oslo, iha Noruega.
Konferénsia ne’ebé sei hala’o ho tema "Sidadania, Dame no Bem-Estar", maka marka momentu importante ida ba luta libertasaun Timor-Leste, bainhira iha outubru-1996, Komité Nobel fó sai anúnsiu kona-ba desizaun hodi fó Prémio Nobel da Páz ba timor-oan rua.
"Ezisti forsa iha Istória ida ne’ebé poderozu liu fali forsa militár nian. Violénsia no terór sei lakria dame. To’o iha ema ida manan duni korajen hodi hamonu sírkulu visiozu hosi violénsia ne’ebé lafó oportunidade ba dame duradouru ida", tenik prezidente hosi Komité Nobel Noruegés, Francis Sejersted, iha serimónia entrega prémiu.
Iha tempu ne’ebá, Francis Sejersted klasifika Ramos-Horta hanesan portavós internasionál prinsipál kona-ba kazu timor-oan nian nomós haktuir kona-ba Horta ninia esforsu hodi buka oportunidade oioin ba solusaun pasífika hosi konflitu ne’ebé akontese.
Bispu D. Ximenes Belo mak sai hanesan reprezentante hosi esperansa povu nian ba futuru di’ak, tanba bispu halo tentativa ba rekonsiliasaun, sai mediadór nomós buka atu hamenus konflitu.
Selebrasaun tinan 20 hosi atribuisaun Nobel ba timor-oan rua ne’e, sei hahú ho serimónia solene ida aban, iha Palásiu Prezidensiál, inklui debate naruk nomós sesaun temátika oioin kona-ba área Justisa ho Direitu Umanu, Ekonomia ho Finansas, Siénsia nomós Teknolojia no Saúde ho Medisina. Iha sesaun solene sei iha intervensaun, hosi mos Prezidente Repúblika, Taur Matan Ruak.
Konvidadu de onra nomós líder timor-oan barak mos sei halo parte iha debate ne’ebé hala’o iha loron refere, no ne’ebé sei taka hosi primeiru ministru, molok han kalan, oferese hosi Taur Matan Ruak.
Iha loron tuir mai sei hala’o sesaun temátika ne’ebé konta ho partisipasaun hosi konvidadu no espesialista internasionál no nasionál barak.
SAPO TL ho Lusa
José Ramos-Horta ko’alia lia hirak ne’e ba Lusa, bainhira iha Dili hala’o semináriu nomós enkontru oioin, ne’ebé konta ho partisipasaun hosi manan-na’in ho prémiu Nobel, hodi fó hanoin hikas kona-ba tinan rua-nulu (20.º) hosi atrbuisaun Nobel Páz ba timor-oan na’in rua.
Nia dehan, atribuisaun hosi prémiu ne’e, “la’os fó de’it ka halo de’it” no bainhira mos masakre Santa Cruz, iha 25-novembru-1991, maka “bolu ka fanun atensaun mundu nian kona-ba kazu Timor-Leste”.
Tuir Ramos-Horta, prémiu ne’e maka esplika, “kona-ba, tanbasá luta interna, akontese beibeik, nunka hotu” no tanbasá, hahú hosi Santa Cruz, “Portugal ho diplomasia portugeza ka’er metin asuntu Timor-Leste nian, ho determinasaun bot”.
"Laiha diplomata portugés únika ida, desde junior to’o senior maka lasimu orden hosi Ministériu Negósiu Estranjeiru nomós Governu katak Timor-Leste maka sai nu’udar kestaun prioritária”, dehan.
Ramos-Horta haktuir hikas katak ninia kandidatura ba Nobel ne’e, hato’o hosi grupu deputadu Islándia nian ida no paralelamente, sujere hosi deputada noruegueza ne’ebé halo parte iha Komité Nobel.
"Hosi bispu Belo, aprezenta hosi ema barak, inklui Durão Barroso, ne’ebé iha tempu ne’ebá hanesan MNE portugés”, nia dehan.
Eis-prezidente Repúblika dehan katak molok Nobel ne’e “nia sempre fi’ar” ba timor-oan ninia independénsia, tuir entrevista ne’ebé nia halo ba CNN iha maiu 1995, haktuir katak “iha tinan rua ka tolu rejime indonézia Suharto sei monu, tanba korupsaun, desgovernasaun no ilejitimidade ne’ebé aumenta”, tanba ne’e sei bele iha solusaun ba Timor-Leste.
"Liu tiha tinan tolu, Suharto monu/tuun. No hatene nafatin katak, sei bele iha koinsidénsia balun. Tanba molok ida ne’e, iha ona sinál katak nia sei tuun duni. No ikus mai tuun duni", nia so’e-lia.
Atu komemora tinan Nobel nian ne’ebé sei hahú aban to’o domingu, primeira dama, Isabel Ferreira realiza ona debate nomós sorumutu oioin iha Dili, ne’ebé konta mos ho partisipasaun hosi Horta.
“Alénde atu komemora prémiu rua ne’ebé fó ba timor-oan sira ne’e, sai mos hanesan oportunidade hodi halibur figura internasionál balun nomós hala’o debate kona-ba tema oioin iha Timor-Leste. Tanba ne’e ami halibur prémiu Nobel hosi área oioin, atu mai fahe informasaun ba ita-nia Governu, akadémiku, estudante ho sosiedade sivil sira, durante debate importante”, nia dehan.
Alénde timor-oan rua ne’ebé simu prémiu iha fulan outubru-1996, debate ne’ebé hala’o iha Dili, sei konta mos ho partisipasaun hosi Brian Schmidt, Prémio Nobel da Física de 2011, Finn Erling Kydland, Prémio Nobel da Economia 2004, Muhammad Yunus, Prémio Nobel da Paz de 2006 e Richard John Roberts, Prémio Nobel da Medicina de 1993.
Durante konferénsia loron rua, halo parte mos Adama Dieng, konselleiru Espesiál hosi sekretáriu-jerál Nasoens Unidas ba Prevensaun Jenosídiu, ho Gunnar Johan Stålsett, bispu Luterano Emérito de Oslo, iha Noruega.
Konferénsia ne’ebé sei hala’o ho tema "Sidadania, Dame no Bem-Estar", maka marka momentu importante ida ba luta libertasaun Timor-Leste, bainhira iha outubru-1996, Komité Nobel fó sai anúnsiu kona-ba desizaun hodi fó Prémio Nobel da Páz ba timor-oan rua.
"Ezisti forsa iha Istória ida ne’ebé poderozu liu fali forsa militár nian. Violénsia no terór sei lakria dame. To’o iha ema ida manan duni korajen hodi hamonu sírkulu visiozu hosi violénsia ne’ebé lafó oportunidade ba dame duradouru ida", tenik prezidente hosi Komité Nobel Noruegés, Francis Sejersted, iha serimónia entrega prémiu.
Iha tempu ne’ebá, Francis Sejersted klasifika Ramos-Horta hanesan portavós internasionál prinsipál kona-ba kazu timor-oan nian nomós haktuir kona-ba Horta ninia esforsu hodi buka oportunidade oioin ba solusaun pasífika hosi konflitu ne’ebé akontese.
Bispu D. Ximenes Belo mak sai hanesan reprezentante hosi esperansa povu nian ba futuru di’ak, tanba bispu halo tentativa ba rekonsiliasaun, sai mediadór nomós buka atu hamenus konflitu.
Selebrasaun tinan 20 hosi atribuisaun Nobel ba timor-oan rua ne’e, sei hahú ho serimónia solene ida aban, iha Palásiu Prezidensiál, inklui debate naruk nomós sesaun temátika oioin kona-ba área Justisa ho Direitu Umanu, Ekonomia ho Finansas, Siénsia nomós Teknolojia no Saúde ho Medisina. Iha sesaun solene sei iha intervensaun, hosi mos Prezidente Repúblika, Taur Matan Ruak.
Konvidadu de onra nomós líder timor-oan barak mos sei halo parte iha debate ne’ebé hala’o iha loron refere, no ne’ebé sei taka hosi primeiru ministru, molok han kalan, oferese hosi Taur Matan Ruak.
Iha loron tuir mai sei hala’o sesaun temátika ne’ebé konta ho partisipasaun hosi konvidadu no espesialista internasionál no nasionál barak.
SAPO TL ho Lusa
Sem comentários:
Enviar um comentário