DILI
– Bainhira inan feton sira neebe mak ho kondisaun difisiente atu partisipa
iha vida politika, sira tenke hetan oportunidade neebe mak diak, no sira tenke
prepara aan liu husi formasaun neebe mak organizasaun feto sira ofrese.
Tuir
Direitor edukasaun enkluzivu iha ME, Jose Monteiro, hatete, agora dadaun
feto difisiente barak mak asesu ona edukasaun, tanba nia rasik hasoru iha
universidade sira nee, maibe iha UNPAZ, dosente balun husu iha para atu
haree, tanba iha nee ba feto difisiente barak mak asesu iha nee ba, entaun
agora haree alin sira difisiente feto sira nee hetan oportunidade barak.
“Hau
hanoin agora dadaun feto difisiente barak mak asesu ona edukasaun, tanba hau
rasik hasoru iha universidade sira nee, maibe iha UNPAZ, dosente balun
husu iha hau para haree, tanba iha nee ba feto difisiente barak mak asesu iha
nee ba, entaun agora ita haree ita nian oan ou alin sira difisiente feto sira
nee hetan oportunidade barak, maibe ita hakarak ba oin nee, sira tenke aumenta
liu tan, liu-liu ba sira neebe mak iha nivel vokasional nee tenke hatene, para
nunee sira akava sira nian estudu, sira bele servisu,” dehan Monteiro ba STL
iha salaun ETDA Fatuhada Dili, Sesta (30/06/2017).
Nia
hatete, maibe feto difisiente sira mos tenke iha edukasaun formal neebe mak
diak,maibe bainhira edukasaun laiha, oinsa mak atu bele koalia konaba
koinesementu, tanba nee, edukasaun mak sai hanesan fundamental, atu ejersa sira
nia koinesementu, bainhira sira lao ba oin.
Nia
dehan, durante nee feto sira nian partisipasaun iha vida politika nee seidauk
masimu, tanba barak seidauk partisipa, maibe tenke liu husi sosializasaun ba
iha area remotas, tenke fahe informasaun ba sira, atu nunee sira mos bele hetan
informasaun. Jacinta Sequeira/Lucia Ximenes
Suara
Timor Lorosae
Sem comentários:
Enviar um comentário