DILI,
(TATOLI) – Ministra Solidaridade Sosiál (MSS), Isabel Amaral Guterres
hateten governu sei hahú implementa dekretu lei rejime kontributivu seguransa
sosiál hodi koa saláriu funsionariu públiku iha fulan-agostu 2017.
“Prezidente
Repúblika promulga ona dekretu lei ne’ebé iha loron 1 fulan-agostu halo
kobransa ba salariu funsionariu públikuʺ,
dehan ministra ba ajénsia Tatoli iha MSS, ohin.
Dekretu
ne’e hateten kada funsionariu sei fó kontribuisaun porsentu haat husi totál
salariu no Estadu porsentu neen hodi rai ba funsionariu ida-idak bainhira idade
atinje 60.
ʺOsan
ne’e sei rai iha banku, tanba bainhira funsionariu sira to’o ona tinan 60
reforma ou hetan dezastre, osan ida ne’e maka sira simu kada fulanʺ, hatutan.
Benefisiariu
ne’ebé sei hetan osan husi rejime ne’e, tenke fó kontribuisaun minimu tinan
lima. Enkuantu, governu liuhusi enkontru Konsellu Ministru tersa foin lalais,
aprova ona dekretu lei rejime kontributivu ba setór privadu hodi hahú iha marsu
2018.
ʺDekretu
lei ida ne’e aprova ona iha tersa foin lalais (27/6) no haruka ona ba
Prezidente Repúblika hodi promulga maka implementaʺ, salienta.
Jornalista:
Agapito dos Santos | Editora: Rita Almeida
Foto
Sapo.tl
Sem comentários:
Enviar um comentário