DILI,
(TATOLI) - Komandante Jerál Polísia Nasionál Timor-Leste (PNTL), Komisáriu
Júlio da Costa Hornay informa pistola hosi forsa Nepal ne’ebé uluk lakon iha
tinan 2003 maka Pistola ida ne’ebé foin lalais Eis-FALINTIL Renan
Selak dezarma iha Lospalos hosi joven ida nia liman.
“Pistola
ne´e uluk forsa Nepal sira maka uza. Pistola ida ne´e lakon iha 2003. Joven
ne´e uza iha futu manu nia fatin no veteranu Renan Selak halo atuasaun emidiata
molok polísia sira to´o mai,” Komisariu Júlio Hornay esklarese ba Jornalista
sira hafoin informa asuntu seguransa kampaña eleisaun parlamentár nomós
situasaun jerál iha teritóriu laran ba Prezidenti Repúblika, Dr. Francico
Gutrerres Lú-Olo, ohin iha Palasio Prezidente Bairo-Pite.
Pistola
refere deskonfia lakon iha 2003 liu-ba bainhira forsa Nepal sira iha ONU nia
mahon hodi estabelese páz iha Timor.
Kona-bá
seguransa ba kampaña elisaun jerálmente tuir Hornay sei la’o iha ambiente
hakmatek maske kampaña realiza ona durante loron tolu iha teritóriu laran
tomak.
Biar
iha Suai no Lospalos akontese problema maibé la ameasa ba estabilidade
nasionál.
“Iha
Suai, akontese infrasaun ida, maibé polísia sira halo kapturasaun ba motorizada
sira ne´ebé la kumpri órden tránzitu (la uza kapaseti no uza kanu racing ba
mótor) hodi partisipa iha kampaña. Iha Lospalos (19 Juñu), joven balun lori
pistola iha futu manu fatin, maibé veteranu Renan Selak halo atuasaun emidiata
molok polísia sira to´o mai,” Komisariu Hornay haktuir tan.
No
kontinua hato’o mensajen ba públiku tomak katak festa demokrasia ne´e ita nian,
timoroan tomak nian. Mai ita hamutuk asegura estabilidade no páz, nune´e ita
nia festa demokrasia ne´e bele la´o ho susesu.
Karik
iha grau ameasas durantre eventu festa demokrasia, polísia no forsa defesa sei
serbisu hamutuk atu halo atuasaun, liu-liu iha fatin sira ne´ebé maka risku ba
violénsia. Laiha toleránsia ba sé de´it maka provoka instabilidade.
Jornalista:
Xisto Freitas | Editór: Manuel Pinto
Foto:
Komandante Jerál Polísia Nasionál Timor-Leste (PNTL), Komisáriu Júlio da Costa
Hornay. FOTO MEDIA PR
Sem comentários:
Enviar um comentário