Adia Pose, PN Lafunsiona Governu Mos Lafunsiona

DILI – Tomada de pose ba kuatru lejislatura too agora nafatin adia, ida nee kuandu parlamentu lafunsiona, governu mos lafunsiona tanba governu parlamentu mak hahoris.

Tuir Deputadu Cesar Valente Bankada CNTR hatete, agora dadaun pose ba deputadu foun sei nafatin adia, ba sira deputadu tuan extende, maibe ida agora extende tan fali nee laiha rezolusaun ida hodi extende, ida nee sei ilegal.

Tomada de pose ba mandatu foun neebe mak agora dadaun publiku kestiona, ida nee adia bei-beik hau mos lahatene, iha dia 5 Setembru agora mai nee klaru kalae?, se laklaru governu agora vakum hela. Parlamentu kuandu lafunsiona governu mos lafunsiona, tanba governu parlamentu mak hahoris,” katak Cesar ba STL Segunda (28/08/2017) iha Parlamentu Nasional.

Nia hatete, extende mandatu nee, nia lakoalia hanesan deputadu, tanba sira nia mandatu hotu iha dia 8 de Agusto, maibe iha rezolusaun ida hodi extende too dia 21. Agora pose adia, extende tan ba too dia 5, maibe laiha rejolusaun, sei ilegal hela.

Haree ba sira nafatin ativu iha PN, karik presiza tan rezolusaun ruma, maibe deputadu nee hatete, lapresiza ona, tanba lakleur deit ona, maibe Prezidente Republika mak tenke kaer metin konstituisaun hodi obriga partidu mais votadu atu nunee buat sira nee hotu lao diak.

Nunee mos Deputadu Komisaun B David dias informa, koalia kona ba extende tan sira nia mandatu nia parte lakoalia, maibe so prezidente parlamentu mak bele koalia. 

Guilhermina Franco / Jacinta Sequeira | Suara Timor Lorosae