Komunidade Preokupa Ahi Mate-Lakan

Dili - Komunidade Kapital Dili kontinua preokupa ho ahi eletrisidade mate-lakan liuliu tempu kalan, tanba dalaruma kestaun natureza.

Dehan Director Jeral EDTL Virgilio Guterres ba STL iha Edifisiu Sentral EDTL Caicoli Dili, Tersa (29/8/2017).

Tuir Virgilio katak, sempre akontese ahi eletrisidade mate-lan liuliu iha tempu kalan bele mos makina abaria, dalaruma konsekuensia husi anin boot bele rejulta ai-monu kona instalasaun eletrisidade a konsekuisan ahi mate duni tanba nee mak ita konsidera natureza.

Nunee mos parte seluk iha Kapital Dili kompania barak halao hela servisu ho orsamentu ratifikativu tinan ida nee nian neebe agora dadaun halao hela obra. Tanba nee kada loron EDTL sempre hamate ahi kada loron oras rua nia laran.

Ita halo observa iha Dili laran postu bara – barak halo hela servisu ho orsamentu ratifikativu tinan 2017, agora dadaun nee sira halao hela servisu neebe kada loron ami sempre hamate ahin durante oras rua nia laran,” katak Virgilio.

Nia hateten babain sira fo sai iha media no radio katak antes atu hamate ahi sempre fo sai informasaun ba komunidade sira neebe ba komunidade neebe mak laakompania radio lahatene duni.

Nia hateten seuainhira mate loron tomak nee fo inpaktu boot mos ba projetu buat nee sempre nafatin hanesan nee lori tempu naruk uituan hamate ahi nee loron ida tomak bele rezolve maibe hamatek loron tomak nee fo sofre ba konsumidor.

Iha parte seluk konsumidor, Maria Mesquita hateten, nia prekupa tebes ho ahi neebe mak mate-lakan durante nee bele estraga sira nia sasan elektronik maske durante nee sira uza prepagu neebe mak EDTL sira monta ona iha sira nia uma.

Hau sente prekupa tebes ho kondisaun ahi neebe mate-lakan iha tempu loron no dalaruma mos iha tempu kalan, hau prekupa tanba durante nee ami uza prepagu neebe mak EDTL sira monta ona iha ami nia uma,” katak Maria.

Tuir Maria katak, ahi mate iha tempu loron sei   diak uituan tanba dalaruma ekipa tekniku EDTL nia hadia hela lina ou konektor balu neebe mate iha tempu loron nee normal, mais kalan mos mate nee mak sai preokupasaun boot ba sira. 

EST6 | Suara Timor Lorosae