Kuaze ema na'in 400 mate iha konfrontu entre rohingya no forsa seguransa Birmánia nian

Ezérsitu Birmánia nian hatete katak kuaze ema na'in 400 mate iha konfrontu foun sira iha estadu Rakhine, hafoin forsa sira seguransa nian hetan atake hosi rebelde sira hosi minoria étnika rohingya.

Númeru sira, publika iha loron-sesta iha pájina Facebook hosi komando militar nasaun nian, hanesan aumentu maka'as relasionadu ho na'in 100 ne'ebé fó sai antes.

Deklarasaun refere katak na'in 29 hosi na'in 399 ne'ebé maka maka la'ós hanesan rebelde rohingya, ne'ebé komando militar hatete hanesan terorista sira.

Iha publikasaun hatete katak akontese konflitu armadu hamutuk 90, inklui atake antes hosi rebelde sira hamutuk 30 iha 25 Agostu, ne'ebé signifika katak kombate sira todan liu ne'ebé maka fó sai antes.

Iha reasaun ida ba atake sira loron 25 Agostu, ezérsitu lansa ona operasaun ida ne'ebé hanaran operasaun hamoos rebelde sira.

Defensor sira rohingya nian, minoria musulmanu ida ne'ebé hetan opresaun iha sosiedade ne'ebé maioria budista hosi Birmánia, hatete ona katak forsa sira seguransa nian ataka ona no sunu aldeia sira no tiru hasoru ema sivil sira, oho ema sivil rohingya atus resin.

Ema rihun resin halao ona ba viziñu Bangladexe, akontesimentu ida ne'ebé kontinua iha loron-sesta ne'e.

Guarda fronteira sira hosi Bangladexe tenta bandu sira hodi la tama maibé iha loron-sesta ne'e bele haree ema rihun resin halo nia trajetu liuhosi natar sira.

Ema joven sira ajuda ema katuas-ferik sira, balun iha maka improvizadu, no labarik sira lori kosok-oan sira.

Balun, lori ropa sira, sasán dapur nain no painel solar ki'ik sira, sira hatete katak la'o pelumenus loron tolu hodi to'o iha fronteira.

SAPO TL ho Lusa