Iha
loron-segunda ne'e, parlamentu Kamboja aprova ona imputasaun tanba krimi
traisaun hosi líder opozisaun nian, ne'ebé bele hetan kastigu kadeia entre
tinan 15 no 30 bainhira hetan kondenasaun, hodi hasai imunidade Kem Sokha nian.
Kem
Sokha, ho tinan 64, hetan akuzasaun halo konspirasaun ho poder estranjeiru ida,
ho referénsia ba Estadus Unidus, hasoru primeiru-ministru kambojanu, Hun Sen.
Sesaun
parlamentar kontinua ho apoiu hosi Partidu Popular Kamboja nian (CPP, iha
poder), ho maioria, maski iha boikot hosi Partidu Resgate Nasional Kamboja nian
(CNRP, hosi opozisaun), lidera hosi Sokha dezde fulan-Fevereiru.
Ho
votu favor hamutuk 67 no laiha votu kontra (entre kadeira hamutuk 123),
parlamentu kambojanu hasai ona imunidade parlamentar hosi polítiku.
Iha
loron-segunda ne'e, Hun Sen, ho tinan 63, ameasa ona hodi sobu CNRP bainhira
sira kontinua apoiu ba Kem Sokha.
"Bainhira
partidu polítiku defende traidor signifika katak sira mós hanesan traidor no
laiha fatin hodi partisipa iha prosesu demokrátiku Kamboja nian", deklara
hosi xefe Governu nian, durante serimónia graduasaun ida, ne'ebé transmiti fali
liuhosi nia perfil iha rede sosial Facebook.
Detensaun
Sokha nia halo CNRP, forsa opozisaun prinsipal kambojanu nian, lahó lideransa,
antes eleisaun jeral sira. Líder seluk hosi CNRP Sam Rainsy hela iha ezíliu.
Ezekutivu
hosi Hun Sen, ne'ebé okupa kargu primeiru-ministru dezde tinan 1985, hamosu
daudaun presaun beibeik ba nia krítiku sira, meiu komunikasaun no opozitor
polítiku sira, liuliu hafoin husu tina pozisaun sira iha eleisaun lokal sira
ne'ebé halo foin lalais no tinan ida antes eleisaun jeral sira iha loron 29
Jullu 2018, ne'ebé ba dala uluk maka nia partidu sei la sai hanesan vensedór
loloos.
Hun
Sen observa, iha fulan hirak ikus ne'e, iha okaziaun oioin, ba posibilidade
funu sivil ida bainhira nia partidu lakon poder iha eleisaun sira fulan-Jullu
2018 nian.
SAPO
TL ho Lusa
Sem comentários:
Enviar um comentário