TL-RI Sedauk Finaliza Fronteira Terrestre

DILI - Negosiasaun Republika Indonezia (RI) no Timor Leste (TL) ate agora sedauk bele finaliza fronteira terrestre tanba sei iha Pontus importantes rua neebe sedauk bele rejolve inklui mos zona Oe-Cusse. Mezmu nasaun rua nee iha ona koloborasaun neebe diak.

Liafuan hirak nee hato husi Ministru Negosiu Estranjeirus no Koperasaun Hernani Coelho ba jornalista depois remata inkontru ho PR Francisco Guterres Lú Olo, iha Palasiu Prezidente Bairo-Pite Dili Tersa (12/9/2017). Nia dehan tan esforsu nasaun TL no RI hahu kedas iha tinan 2005 liu ba ate agora sedauk remata.

“Ita bot sira hatene ona katak fronteira terrestre entre nasaun RI-TL ate agora sedauk finalija tamba sei iha segementus rua inklui mos zona Enklave Oe-Cusse nian. Maibe konaba penyelesaian nee sei hare nasaun ba nasaun rua nian. Konaba mos garis perbatasan nasaun rua nian nebe maka iha,” nia dehan.

Iha tinan 2015 liu ba Prezidente Taur Matan Ruak ho Prezidente RI Jokowi konkorda ona atu finalize konaba segementus rua neebe sei iha maibe sedauk remata. Nunee mos Prezidente Republika RDTL Francisco Guterres Lú Olo mos sei hare nafatin ba asuntus importantes nebe sedauk hotu.

TL iha ona dokumentus nesesarius ba segementus rua nee konaba linha fronteira nian entre nasaun vizinu rua nian. Liu husi proposta rua neebe iha diferente ba linha fronteira nasaun rua nian neebe iha prioridade tolu. Maka hanesan iha tinan 1904 nasaun Portugal no Holanda neebe determina ona. 

Justinho Manuel | Suara Timor Lorosae