DILI,
(TATOLI) – Ministru Estadu Konselleru Seguransa Nasionál, José Ramos Horta
afirma, úniku tebes iha involvimentu Governu Konstitusionál dahituk hosi
jerasaun 1974-1975.
“Ha’u
ho Xefe Governu, Marí Alkatiri de’it, maibé ha’u haree katak Negosiadór
Prinsipál, Kay Rala Xanana Gusmão ho ami hotu iha responsabilidade boot ba
Nasaun ne’e”, haktuir fundadór partidu FRETILIN iha Parlamentu Nasionál, ohin.
Hatutan
tan. “Horseik ami ko’alia, úniku governu iha jerasaun 1974-1975, ami hotu iha
responsabilidade ba ami nia jerasaun hodi buat ida labele nakdoko iha rai
ne’e”.
Nia
dehan, sira nian involvimentu, tinan lima ne’e de’it. Nune’e, 2022 entrega ona
ba jerasaun foun sira tanba Estadu ida atu metin, forte no ekonomia ne’ebé la
depende ona pursentu 90 ba mina ho gas.
“Demokrásia
la’os atu ba hakiduk no labele buat ida atu nakdoko iha rai ida ne’e, tanba
ne’e situasaun hirak ne’e iha ami nia responsabilidade”, dehan tan.
“Ha’u
hateten dala barak ona ba Xanana Gusmão, Dr. Marí Alkatiri, Francisco Guterres
Lú Olo, Taur Matan Ruak ko’alia dezafiu no responsabilidade boot ba jerasaun
ami nian, kuandu ida ne’e mak la akontese iha 2022, ami konsidera ami nia
falla”.
Tanba
ne’e, nia simu pasta nu’udar membru governu atu kolabora ho Primeiru Ministru,
atu kontribui ba prosesu dezenvolvimentu nasionál ba povu nia moris di’ak.
Jornalista:
Zezito Silva | Editora: Rita Almeida
Foto:
Primeiru Ministru, Marí Alkatiri hamutuk ho membru governu seluk, ohin, halo
apresiasaun ba deputadu sira iha Parlamentu Nasionál kona-ba programa ne'ebé
aprejenta. Foto António Goncalves
Sem comentários:
Enviar um comentário