PNTL Halao Passa Revista

DILI – Kombate mobilizasaun massa balun organizadu husi Munispiu Polisia Nasional Timor Leste (PNTL) tantu husi Nasional too Munisipal halao/check point iha fat-fatin oi-oin hodi halo identifikasaun ba sira.

Tuir Komadante Jeral PNTL komisariu, Julio da Costa Hornay, atu antisipa rumoris neebe dehan sei iha mobilizasaun massa husi munisipiu mai Dili atu halo destrubus bainhira programa governu la liu iha parlamentu maka Komandu Polisia Nasional Timor-Leste hodi hasai orden ba komadante munisipiu atu halo passa revista ba viaturas tantu ema neebe maka atu mai Dili.

Julio esplika, polisia halo passa revista, ba Chek Point ida nee polisia laos halo iha sidade Dili deit maibe iha Munisipiu sira hotu. Horiseik rona informasaun katak ema balun husi Munisipiu hakarak mai Dili tanba hakarak observa situasaun politika neebe mak lao dadaun iha sidade laran.

“Hau haruka kedan komadante Munisipiu hotu hodi halo Check point  hodi hare se se maka mai iha Dili hodi halo saida lori kroat ka oinsa, sira mai Dili nee iha objektivu saida maibe kuandu ho grupu,” dehan Julio.

Nia hatutan, ba passa revista nee halo kuandu iha grupu balun maka atu mai Dili, no ida nee komadante husi Munisipiu sira informa ba nia la iha buat ida laiha grupu ida neebe maka atu hanoin mai Dili. Sira mos hateten karik nee politika ninian nain uluk sira neebe maka hili ona hodi servisu nee entrega ba sira nudar sidadaun ba halo ninian servisu.

Nia dehan tan nain ulun sira neebe maka fo ona fiar husik ba sira halo sira nian servisu ha fo sira hakmatek hodi hanoin hosi deside ita nian futuru oinsa ba moris aban baintrua nian hodi nunee bele hasai povu nee husi kiak no mukit durante nee. 

Natalino Costa | Suara Timor Lorosae