DILI,
(TATOLI) – Prezidente Repúblika (PR), Francisco Guterres Lú Olo iha tempu
badak sei haruka karta ba ulun boot partidu polítiku sira ne’ebé hetan asentu
iha Parlamentu Nasionál atu túr hamutuk rezolve problema iha rai laran.
“Ami
kontente tanba Prezidente Repúblika adianta ona ho inisiativa ida ne’e para
konvoka líder sira túr hamutuk atu rezolve problema”, Prezidente Komité 12
Novembru, Gregório Saldanha, hato’o ba jornalista sira iha Palásiu Prezidente
Nicolau Lobato, Bairru Pité, tersa ne’e, hafoin soru-mutu ho Xefe Estadu hodi
diskute situasaun polítika iha rai laran.
Nia
dehan, bainhira Prezidente Repúblika halo ona karta dirije ba ulun boot partidu
lima, ne’e signifika katak iha dalan atu rezolve problema ne’ebé oras ne’e
akontese iha rai laran hanesan rejeisaun ba programa Governu hosi opozisaun iha
PN.
Gregório
informa diálogu ne’e solusaun ida di’ak liu tanba mundu ne’e funu iha tanba
laiha diálogu. Timor uluk iha funu tanba ema la tuir malu. “Ami lakohi impoin
katak tenke rezolve tuir ami nia hakarak, sira (líder nasionál) hatene oinsá
atu rezolve problema ida ne’e”, tenik.
Eis
Deputadu ne’e hateten, relasaun armonia no kontaktu entre líder sira ne’e tenke
iha nafatin, sé lae, líder sira la’o ket-ketak hela no bainhira la’o ket-ketak
ne’e nasaun sei la forte.
Antes
ne’e, Komité 12 Novembru hamutuk ho órgaun rezisténsia sira husu atu Prezidente
Repúblika konvoka reuniaun ho ulun boot sira nu’udar xave atu rezolve problema
sira ne’ebé maka mosu iha rai laran.
Partidu
polítiku ne’ebé iha asentu mak Frente Revolusionaria Timor-Leste Indepéndente
(FRETILIN) ho kadera 23, Kongresu Nasionál Rekonstrusaun Timor (CNRT-sigla
portugés) ho kadera 22, Partidu Libertasaun Populár (PLP) kadeira ualu, Partidu
Demokrátiku (PD) kadeira hitu no Kmanek Haburas Unidade Nasionál Timor Oan
(KHUNTO) kadeira lima.
Partidu
ne’ebé forma governu mak FRETILIN ho PD, forsa polítika kadeira 30. Entretantu
opozisaun kadeira 35.
Antes
ne’e ho forsa maioria, opozisaun sira hato’o rejeitasaun (rejeita) ba programa
ne’ebé governu aprejenta hodi hetan apresiasaun.
Jornalista:
Xisto Freitas | Editora: Rita Almeida
Foto:
Prezidente Komité 12 Novembru, Gregório Saldanha ho nia estrutura dadalia ho
jornalista sira hafoin soru-mutu ho Xefe Estadu Lú Olo. Imajen Ajénsia
TATOLI/Xisto Freitas
Sem comentários:
Enviar um comentário