Alkatiri: Muda VII Governu Konstitusional, So Eleisaun Antisipada

DILI - Primeiru Ministru Mari Alkatiri garante katak VII Governu Konstitusional sei lamuda, atu muda so eleisaun antisipada.

Governu ida nee iha kapasidade atu redus despazas ba minimu para augenta too eleisaun antisipada nee hau garante, hau bele garante tanba saida Governu ida nee sei lamuda, atu muda so eleisaun antisipada,” dehan PM Mari, ba jornalista sira bainhira partisipa natal hamutuk ho membru VII Governu Konstitusional, iha Rezidensia Farol, Dili, Kinta (21/12/2017).

Tanba nee Xefi Governu hateten, Agora hein deit Orsamentu 2018, Governu prepara hela besik fulan Jeneiru atu hatama, nunee hein mos revizaun lei de jestaun Orsamentu nian, ho jestaun finansas nian tenke halo revizaun para adapta ba situasaun atual para bele foti tan osan husi fundu minarai 2018.

Aman fundador nasaun RDTL nee hateten, Uluk Indonesia lafo dalan Fretilin atu luta ba to iha independensia, maibe Fretilin luta too lori duni independensia mai, laos oposizaun ida nee maka taka dalan ba Fretilin.

Responde konaba oinsa Governu nia apoiu orsamentu ba Xanana neebe halao hela nia servisu iha rai liur, Xefi Governu hateten, Osan Se laiha Governu sei lahalo milagre, nee kolia momos importante tebes nia misaun iha liur, mais tanba importante buat sira nee hotu maka OR ninian tenke liu.

Iha fatin hanesan Ministru Estadu no Ministru Rekursus Minerais Mariano Assanami Sabino hateten, uluk sira sempre hakilar dehan mate mos klamar sei luta ba ukun rasik an, isin maubere, klamar maubere, lia fuan badak nee bele inspira deputadu sira husi PD ho Fretilin atu forsa hamrik nafatin. 

Carme Ximenes/Maria Lay | Suara Timor Lorosae