Lere: Orsamentu Duadesimu Lasufisiente Kobre Nesesidade F-FDTL no PNTL

DILI – Xefe Estadu Maior Jeneral Falintil Forsa Defeza Timor-Leste (F-FDTL) Maijor Jeral Lere Anan Timur hateten, orsamentu duadesima neebe maka dadaun nee governu prepara, ba nesesidade institusaun F-FDTL-PNTL, ho montante 6 milloes e tal lasufisienta kobre nesesidade instituisaun rua nee.

Kestaun nee Xefe Estadu Maior Jeneral Falintil Forsa Defeza Timor-Leste, Maijor Jeral Lere Anan Timur, ba jornalista sira iha Palasiu Prezidensial Nicolau Lobatu, Bairru Pite, Kuarta (17/1/2018).

“Kona ba orsamentu duadesimu nee hau hanoin ida nee lasufisiente atu kobre desesidade institusaun rua F-FDTL no PNTL,” dehan nia ba jornalista sira iha Palasiu Prezidensial Nicolau Lobatu, Bairru Pite, Kuarta (17/1/2018).

Atu prevene buat seluk labele akontese ba forsa armadas, Lere dehan nia parte hamutuk ho Vise Xefe Estadu Maior jeneral F-FDTL konvida kompania neebe bele atende forsa, hodi antisipa krise ruma karik iha.

Xefe Estadu Maior Jeneral F-FDTL, Maijor Jeral Lere Anan Timur lamenta ba orsamentu operasional neebe maka durante nee governu favorese ba membru Forsa Armadas no nia konsidera iha injustisa boot ba orsamentu refere.

Tuir Lere forsa armadas nudar lutu nasaun hakarak ka lakohi tenke kumpri nian misaun, maibe konaba ida nee prefere liu ba kestaun justisa, presiza hatene, labele deskrimina. 

Natalino Costa | Suara Timor Lorosae