Kuaze 88% hosi ema indonéziu sira
konsidera hanesan negativu ba komunidade lésbika, homoseksual sira, biseksual
sira ho transjéneru sira (LGBT), hanesan ameasa ida, indika hosi sondajen ida
ne'ebé aprezenta iha loron-kinta ne'e iha Jakarta.
Bainhira 87,6% hosi ema sira
ne'ebé tuir sondajen haree grupu hanesan ameasa ida, 79% rejeita ideia katak
iha membru ida hosi komunidade ne'e hanesan viziñu no 89% rekuza governante
sira ne'ebé maka la'ós heteroseksual.
Sondajen hatudu katak 81,5%
konsidera katak tendénsia homoseksual sira hetan bandu hosi sira nia relijiaun,
nune'e aplika "ba relijiaun tomak", hatete hosi Ade Armando, diretór
hosi meiu konsultora Saiful Mujani Research and Consulting durante
aprezentasaun hosi estudu opiniaun nian.
Sondajen, ne'ebé halo entre tinan
2016 ho 2017, hetan partisipasaun ida hosi ema indonéziu hamutuk 1.220 hosi
provínsia hamutuk 34 hosi arkipélagu ne'e, haktuir hosi Armando.
SAPO TL ho Lusa
Sem comentários:
Enviar um comentário