DILI - Tribunal Distrital
Dili (TDD) halao julgamentu ba arguidu ho insial MTSS, neebe ho kondisaun lanu
halo agresaun ba nia fen lezada ho insial LP.
Tuir akuzasaun neebe Tribunal lee
sai husi Ministeriu Publiku katak, arguidu ho lezada moris hamutuk nudar fen no
laen iha tinan 1989, no iha oan nain neen.
Iha fulan Junho loron la apuradu,
arguidu sai husi uma, la fo hatene ba lezada katak nia atu ba neebe. Bainhira
iha kalan boot oras deskansa nian, arguidu fila ba uma ho kondisaun neebe lanu,
too iha uma hodi muta, no koalia arbiru.
Hare arguidu lanu hela, lezada
mos hakat ba iha arguidu, hodi fo hanoin katak, arguidu labele hemu lanu
bebeik, tanba hatudu ezemplu neebe la diak ba oan sira. Fo hanoin hela, arguidu
nervoju hodi tebe dala ida kona iha lezada, foti raga tuda ba iha lezada, lori
fatuk tuda dala rua, maibe la konaba lezada ida.
Konsekuensia husi arguidu nia
hahalok, halo lezada sente moras iha isin atinjidu. Arguidu MTSS nudar autor ba
krime violensia domestika ho forma ofensa integridade fisika simples iha artigu
145 kodigu penal, no lei kontra violensia no 7/2010.
Hatan ba akuzasaun nee, arguidu
deklara katak faktus balu loos, no balu lalos.
“Momentu neeba hau lanu todan,
hau mos la kontrola an, tanba nee mak hau hodi baku lezada, mas liu tiha loron
rua ami diak malu fali”, dehan arguidu iha sala audensia.
Deklara tan, foin primera vez ba
iha tribunal, tanba nee promte sei la halo tan hahalok nee.
Iha fatin hanesan, lezada deklara
tan, arguidu baku duni nian, tanba arguidu ho kondisaun lanu. Maibe problema
mosu lezada ba hatoo tiha keiza, liu tiha semana rua, lezada mak ba buka fali
arguidu hodi husu perdua.
Terezinha De Deus | Suara Timor
Lorosae
Sem comentários:
Enviar um comentário