Susesu EA, Presiza Opiniaun Konstrutivu Husi Parte Hotu

DILI - Adjuntu Diretor Ezekutivu Fundasaun Mahein (FM) Joao Almeida dehan susesu iha Eleisaun Antisipada, presiza opiniaun konstrutivu husi Akademika, Sosiadades Sivil no sidadaun tomak.

Ita hotu rona ona atu asesura pas no estabilidade mak PNTL no reforsa husi F-FDTL maibe presiza moos opiniaun konstrutivu husi akademika, sosiedades sivil no sidadaun tomak atu beele apoiu ba forsa rua nee halao nia funsaun netralidade,” dehan Joao ba STL iha nia knar fatin, Fomento-Komoro, Segunda, (5/2/2018).

Nasaun demokratiku ida nee prioridade ba eleisaun antisipada mai maka oinsa asegura seguransa atu beele proteje ema sidadaun sira nia direitu hanesan tauk, ameasa no terror atu nunee povu beele ejerse nia direitu tomak iha iha elisaun. Parte seluk kualia asegura seguransa laiha problema ona.

Iha fatin ketak Reitor Universidade Dili (UNDIL) Estevao da Costa Belo dehan atu bele garante seguransa no hametin estabilidade masimu iha eleisaun antisipada mai, maka Polisia Nasional Timor Lorosae (PNTL) no apoiu masimu husi Falintil Forsa Defeza Timor Lorosae (F-FDTL) maibe presiza kontribuisaun husi parte komunidade rasik.

Rogerio Castro da Cruz husi Komite 12 de Novembru katak presiza duni atu garante, pas no estabilidade seguransa iha prosesu kampanha eleitoral no eleisaun mai. Tanba nee sempre iha esperansa no fo fiar nafatin ba forsa rua hanesan F-FDTL no PNTL atu garante estabilidade seguransa maibe moos presiza kontribuisaun husi partes hotu. 

Justinho Manuel | Suara Timor Lorosae