TR Seidauk Bele simu Lista Kandidatura Parpol

DILI – Maske Prezidente Republika Francisco Guterres Lú Olo dekreta ona data Eleisaun Antisipada ba loron 12 Maio tinan nee, maibe husi parte Tribunal Rekursu seidauk simu lista kandidatura partidu poltiku, tamba sei hein publikasaun dekretu Presidente ba data eleisaun antisipada iha jornal Republika.

Tuir Prezidente Tribunal Rekursu Deolindo dos Santos katak maske Prezidente Republika dekreta ona loron eleisaun antisipada iha loron 12 Maio, maibe kona ba lista kandidatura hein publikasaun dekretu Prezidente ba data eleisaun antisiapada iha jornal republika.

Nia dehan tuir lei 30 dias apartir de publikasaun dekretu Prezidente nia ba EA bainhira Prezidente nia dekreta nee anunsia ona iha jornal Republika, maka Tribunal sei simu lista kadidatura Partidu Politiku.

Nia dehan dadaun husi Tribunal  Rekursu  seidauk simu lista kandidatu Partidu politiku  tamba dekretu Prezidente Republika seidauk publika iha jornal republika, maibe kuandu publika ona iha jornal republika maka tribunal sei simu lista kandidatura partidu politiku.

Lider judisiariu nee dehan liu husi enkontru ho Prezidente Republika nia parte inforrma servisu no funsionamentu tribunal no agora funsionamentu tribunal lao diak tebes. Nunee mos informa ba Prezidente Republika kona ba Preparasaun Trinunal Rekursu hasoru eleisaun antisipada.

Natalino Costa | Suara Timor Lorosae