DILI, (TATOLI) - Prezidente CNE,
Alcino Baris konsidera katak ema sei interpreta sala kona-ba ezekusaun osan
duodésimu. Tanba ne’e proposta ne’ebé CNE (Comissão Nacional das Eleições)
hatama ba Ministériu Finansa (MF) la’ós problema maibé haree ba ezekusaun.
“Problema ita haree orsamentu
duodésimu ne’e funsiona, osan ne’e bele tau um milhão kadois milhões la’ós
problema iha kuantidade ne’e; problema ne’e fulan-fulan ne’e ezekuta hira tanba
ezekusaun fulan ida ne’e mak determina fali fulan seluk atu sai,” esplika
Prezidente Alcino Baris, iha Palásiu Governu, Díli, ohin.
Ita bele husu osan boot, la
ezekuta osan ne’e fila-fali, depois fó impaktu osan atu mai fali. “Ne’e ami
tenke ser realistiku katak nesesidade ne’e loos duni, hanesan ne’e ka
lae? Husu osan mai tenke gasta tuir nesesidade tanba osan sira ne’ebé mai,
hasai iha fulan ikus ne’e depende ba relatóriu husi fulan ida ne’e nian, ne’e
mak funsiona duodésimu. Agora ema interpreta ne’e sala-sala,” nia esplika tan.
Prezidente CNE, Alcino Baris reforsa:
“Husu osan boot, determina osan boot depois ezekusaun kuandu la la’o, osan la
sai ida. Depende husi ezekusaun la’ós problema kuantia”.
Jornalista: Rafy Belo | Editór:
Manuel Pinto
Imagen: Prezidente CNE, Alcino
Barris. Foto ANTIL/Antonio Goncalves
Sem comentários:
Enviar um comentário