DILI, (TATOLI) - Xefe estadu
maiór jenerál, FALINTIL-Forsa Defeza Timor-Leste (F-FDTL) konvida timoroan
tomak hodi fó agradese ba Kay Rala Xanana Gusmão ne’ebé ho nia maturidade no
responsabilidade ikus mai define Fronteira Marítima (FM) Timor-Leste ho
Australia.
“Fronteira Marítima ita define
ona signifika fronteira marítima mós iha ona, nune’e ita hotu agradese ba
Negosiadór Xefe, Xanana Gusmão nia maturidade no responsabilidade ba prosesu
negosiasaun tomak,” Lere Anan Timur fó sai iha Kongresu RENETIL ba da-hituk iha
Sentru Konvensaun Dili, Kinta, (15/03).
Husu mós ba timoroan hotu atu
kontinua fó konfiansa ba lider funu na’in sira atu lori nasaun Timor-Leste ba
di’ak no ba dezenvolvimentu nasaun no povu nia moris di’ak.
Lider jerasaun foun sira labele
foti fali lideransa funu na’in ida hodi hatún fali ida seluk, maibé haree sira
hanesan de’it (iguál).
Ba governu foun ne’ebé sei
hahoris hosi rezultadu eleisaun antisipada, husu atu fó prioridade ba
Timor-Leste nia soberania.
“Hamutuk ita bele, maibé kuandu
fahe malu nafatin ita sei labele,” Eis Komandante FALINTIL, region 1 fó hanoin.
Jornalista: Zezito Silva | Editór:
Manuel Pinto
Sem comentários:
Enviar um comentário