sexta-feira, 16 de março de 2018

Tamba sa Lori Tuir sentru Votasaun ba votante sira iha rai liur no ignora votante sira iha rai laran

PARTILHAR


Ironea tebes wainhira parlamentu nasional no konselhu ministru rame-rame hasai resolusaun serku Mauk Moruk nomos rezolusaun seluk hodi proteze sira nia interesse lalais los maibe tansa hasai deit rezolusaun ida hodi garante partisipasaun povu nian ba eleisaun antesipada mai nee, tenke hein parlamentu foun mak bele mudah. Ida nee tuir ami nia hanoin laiha logika tamba, ida nee kestaun interesse estadu interesse komun, garante ema atu bele vota ka manifesta sira nia vontade politika neebe hanesan direitu fundamental sidadaun ida nian previstu espesialmente iha Knstituisaun da Republika Demokratika de Timor-Leste,  Artigo 46.º (Direito de participação política) neebe dehan nunee:

1. Todo o cidadão tem o direito de participar, por si ou através de representantes democraticamente eleitos, na vida política e nos assuntos públicos do país.

2. Todo o cidadão tem o direito de constituir e de participar em partidos políticos.

Nomos espesifikamente artigu 47.º (Direito de sufrágio) dehan nunee:

1. Todo o cidadão maior de dezassete anos tem o direito de votar e de ser eleito.

 2. O exercício do direito de sufrágio é pessoal e constitui um dever cívico.

Ho pontu sira nee maka lolos nee, konselhu ministru bele hareba razaun ida nee, hodi halo rezolusaun ida para bele ona garante povu ninia partisipasaun iha eleisaun neebe konstitui hanesan dever siviku ida husi sidadaun ida.

Tamba preve iha konstituisaun mos konselhu ministru ninia kompetensia sira mak hanesan tuir mai nee:

Artigo 116.º (Competência do Conselho de Ministros) Compete ao Conselho de Ministros:
........................................c) Aprovar as propostas de lei e de resolução;

No inisiativa atu bele kria Lei ida ka Norma ida obrigatori ba sidadaun sira ne mai husi deit deputadu, bankada parlamentar no governu neebe koalia iha, Artigo 97.º (Iniciativa da lei)

1. A iniciativa da lei pertence:
  a) Aos Deputados;
  b) Às Bancadas Parlamentares;
  c) Ao Governo.

Ho forsa sira neebe konstituisaun preve nee lolos governu liu husi konselhu ministru bele hamosu rezolusaun ida hodi garante ba sidadaun sira  neebe mai husi dok hanesan; municipiu Viqueque, Suai, Lospalos, no seluktan sira neebe dalaruma iha area rural estrada laiha susar atu bele ba too hikas iha sira nia aldeia suku hodi bele partisipa no ezerse sira nia dever siviku previstu ona iha konstituisaun.

No ironea liutan Governu, lori tuir box eleisaun nian ba rai liur sira neebe dalaruma numeru votante nee kiik tebes kompara ho sidadaun sira neebe dalaruma la vota iha teritoriu nasional neebe numeru boot teb-tebes. Tamba sa ita gasta osan barak tebes hodi lori tuir sentru votasaun sira nee ba sira iha liur nusa labele hamosu Lei ka Rezolusaun ida hodi bele fo espasu ba votante sira neebe laos rezidente iha suku neebe nia bele vota ba.

Estadu hakarak sidadaun hotu-hotu ba hikas sira nia suku no aldeia hodi ezerse sira nia dever ida nee maibe kuitadu, benefisiu husi votu ida nee imi nai ulun sira, merittisimu sira no exelentissimu sira maka hetan benefisiu direitamente (keuntungan secara langsung) husi nee, tamba sira nia votu fo ba imi kargu oioin iha governu, iha parlamentu nomos iha fatin hotu-hotu no sira maka tenki lakon sira nia osan hodi ba selu kareta, lakon sira nia tempu ba iha neeba e pior liutan dalaruma hetan dezastre iha dalan.

Ho ida nee, maka hanesan ita hotu hatene katak eleisaun 2017, numeru sidadaun sira neebe la vota nee ass tebes, hanesan deklara ona husi Prezidente Comisaun Nasional ba Eleisaun. Atu prevene ida nee diak liu ami sugere ba ita nia Nai ulun sira neebe tur iha konselhu de Ministrus, liliu Exelentissimo Senhor Ministro  Valentim Ximenes nomos ba  Primeiru Ministru Exelentissimo Senhor Dr. Mari Bin Amude Alkatiri hodi bele hare kestaun nee urjentemente prioridade atu nunee bele garante ba sidadaun hotu-hotu ba ezersisiu ba sira nia dever siviku previstu ona iha konstituisaun no iha tempu neebe hanesan aumenta mos numeru votante iha eleisaun antesipada neebe sei realiza iha fulan Maio 2018.
PARTILHAR

Author: verified_user

Publicação luso-timorense sem fins lucrativos

0 comentários: