DILI, (TATOLI) - Prezidente
Partidu Demokrátiku, Mariano Assanami Sabino kalkula Great Sunrise (GS) iha
posibilidade dada mai Timor-leste enkuantu lideransa Timoroan unidu.
“Ita nia lideransa sira hanesan
maun boot Kay Rala Xanana Gusmão, Mari Alkatiri, José Ramos Horta, Taur Matan
Ruak, Francisco Guterres “Lu-Olo”, Lere Anan Timur no seluk tan hamutuk ho lian
ida de’it ita sei dada kadoras mai Timor-Leste,” Mariano Assanami Sabino fó hanoin
iha El Legendariu foin lalais ne’e.
Aleinde de unidade, tuir Assanami
antes kadoras mai Timor-Leste, presiza diskute ho kle’an no halo estudu tékniku
ne’ebé di’ak liuliu hodi bele dada kadoras.
“Halo mós analiza tékniku no
analiza ekonómiku, oinsá atu halo investimentu ne’e la’o.”
Atuál Ministru Estadu no Ministru
Rekursu Minerais, Mariano Assanami Sabino esplika, governu konsistente
nafatin projetu tasi mane ho indústria petro kímiku ne’ebé inklui laran
atu dada kadoras mai.
Partidu Demokrátiku prontu apoiu
totál atu dada kadoras mai Timor-Leste atu kria ekonomia ne’ebé di’ak liu ba
povu no nasaun.
Jornalista: Zezito Silva | Editór:
Manuel Pinto
Foto: Mariano Assanami Sabino
Sem comentários:
Enviar um comentário