Komisaun Nasional Eleisaun nian
valida ona koligasaun pré-eleitoral haat ne'ebé sei aprezenta iha eleisaun
parlamentar sira iha loron 12 Maiu iha Timor-Leste, agora hala'o hela prazu
hodi aprezenta lista kandidatu sira nian, hatete hosi prezidente hosi órgaun
eleitoral ne'e.
Prezidente hosi Komisaun Nasional
Eleisaun nian, Alcino Baris, konfirma ona iha loron-tersa ne'e ba Lusa katak
iha parte ikus hosi prazu rejistu koligasaun sira nian, ne'ebé hotu ona iha
loron-domingu, aprezenta ona koligasaun dahaat, Movimentu Sosial Demokrata
(MSD).
Tuir nia esplika katak, MSD
kompostu hosi Partidu Sosial Demokrata (PSD), Partidu Sosialista Timor nian
(PST), Partidu Sentru Asaun Sosial Demokrata Timoroan nian (CASDT) no Partidu
Demokrata Kristaun (PDC).
MSD hamutuk nune'e ho Frente
Dezenvolvimentu Demokrátiku (FDD) - koligasaun dahuluk ne'ebé kompleta rekizitu
tomak hodi bele konkore iha eleisaun antesipadu loron 12 Maiu - no ne'ebé
integra partidu polítiku haat ne'ebé iha eleisaun parlamentar 2017 nian la
aprezenta hamutuk: Partidu Unidade no Dezenvolvimentu Demokrátiku (PUDD),
Uniaun Demokrátiku Timoroan (UDT), Frente Mudansa (FM) ho Partidu
Dezenvolvimentu Nasional (PDN).
Valida mós Aliansa hosi Mudansa
ba Progresu (AMP), ne'ebé halibur forsa opozisaun boot tolu, Congresso Nacional
da Reconstrução Timorense (CNRT), Partidu Libertasaun Popular (PLP) ho Kmanek
Haburas Unidade Nacional Timor Oan (KHUNTO).
Koligasaun seluk maka Movimentu
Dezenvolvimentu Nasional (MDN), ne'ebé halibur partidu haat ne'ebé iha tinan
2017 la aprezenta hamutuk.
Iha konkretu, halibur Asosiasaun
Popular Monarkia Timoroan (APMT), Partidu Liberta Povu Aileba (PLPA), Partidu
Movimentu Libetasaun Povu Maubere (MLPM) ho Unidade Nasional Demokrátika hosi
Rezisténsia Timoroan nian (Undertim).
Koligasaun sira ne'ebé harii
halibur partidu hamutuk 15 hosi partidu hamutuk 21 ne'ebé maka aprezenta ona
iha eleisaun tinan liubá ne'ebé iha de'it koligasaun úniku, Bloku Unidade
Popular (BUP), ne'ebé halibur Partidu Milenium Demokrátiku (PMD), Partidu
Demokrátika Repúblika Timor nian (PDRT) ho Partidu Liberta Povu Aileba (PLPA),
partidu ikus ne'e agora halo parte iha MSD.
Aleinde Frente Revolucionária do
Timor-Leste Independente (Fretilin) - ne'ebé hetan liu votu iha 2017 - no
Partidu Demokrátiku (PD) - forsa dahaat iha tinan 2017 -, ne'ebé sei aprezenta
ketak-ketak maibé ho akordu pré-eleitoral ida, partidu sira seluk ne'ebé maka
tuir votu iha 2017 no agora la halo parte iha koligasaun maka PEP, PDP, PR ho
PTD.
Bainhira haree ba kalkuladora
ne'ebé disponibiliza hosi Komisaun Nasional Eleisaun nian, Lusa halo ona
simulasaun hosi eventual distribuisaun ba fatin sira, aplika númeru hosi votu
sira ne'ebé maka partidu polítiku sira hetan iha eleisaun 2017 nian no limiti
ba 4% hosi votu válidu sira, mínimu ne'ebé presiza hodi hili deputadu sira.
Bainhira partidu sira ho
koligasaun sira hetan votu hanesan iha tinan 2017, entaun AMP karik sei hetan
votu 46,88%, nune'e bele hetan fatin hamutuk 33 iha Parlamentu Nasional no
maioria absoluta.
Fretilin karik sei okupa fatin
daruak ho 29,91% no fatin hamutuk 21 (menus fatin rua ne'ebé iha agora daudaun)
no PD iha pozisaun datoluk ho 9,87% no kadeira neen, menus rua mós duké fatin
ne'ebé maka hetan agora daudaun.
FDD karik sei sai hanesan forsa
úniku iha parlamentu ho votu 7,07, sufisiente hodi hetan fatin lima. Karik sei
laiha koligasaun seluk ka partidu seluk ne'ebé bele halakon limiti hosi 4% hosi
votu válidu sira.
Sorteiu hosi boletin votu nian ba
eleisaun karik sei halo entre loron 03 no 04 fulan-Abril no kampaña eleitoral
sei hala'o entre loron 10 Abril no 09 Maiu.
SAPO TL ho Lusa
Sem comentários:
Enviar um comentário