Timor-Leste/Eleisaun: Tribunal Rekursu rejeita kandidatura partidáriu rua

Tribunal Rekursu rejeita kandidatura hosi forsa polítika timoroan rua, KOTA ho ASDT, ba eleisaun lejislativu antesipadu iha loron 12 Maiu tanba la kumpri rekizitu legal sira, informa hosi autoridade eleitoral sira.

Rejeita ona kandidatura hosi Klibur Oan As'wain Timorense (KOTA) no hosi Associação Social Democrata Timorense (ASDT) tanba, tuir hatete iha lei, laiha forsa ida maka aprezenta ona ba asaun eleitoral durante tinan lima ikus ne'e.

Desizaun implika atu boletim votu nian ba eleisaun antesipadu sei iha total ida ba kandidatura ualu, koligasaun haat no partidu polítiku haat.

Kandidata ona ba eleisaun sira maka koligasaun sira hosi Movimentu Dezenvolvimentu Nasional (MDN), Aliansa Mudansa ba Progresu (AMP), Movimentu Sosial Demokrata (MSD) ho Frente Dezenvolvimentu Demokrátiku (FDD), ne'ebé maka aprezenta ona tuir orden ne'e iha Tribunal Rekursu.

Boletin votu nian, ne'ebé nia orden kandidatura sira sei sorteia iha inísiu fulan-Abril, sei iha mós Partidu Republikanu (PR), Partidu Esperansa Pátria nian (PEP), Frente Revolucionária do Timor-Leste Independente (Fretilin) ho Partidu Demokrátiku (PD).

Bloku antesipadu ne'ebé forte liu maka Aliansa Mudansa ba Progresu (AMP), ne'ebé halibur forsa opozisaun boot tolu, Congresso Nacional da Reconstrução Timorense (CNRT), Partidu Libertasaun Popular (PLP) ho Kmanek Haburas Unidade Nacional Timor Oan (KHUNTO).

MDN halibur Asosiasaun Popular Monarkia Timoroan (APMT), Partidu Liberta Povu Aileba (PLPA), Partidu Movimentu Libetasaun Povu Maubere (MLPM) ho Unidade Nasional Demokrátiku hosi Rezisténsia Timoroan (Undertim).

MSD komposta hosi Partidu Sosial Demokrata (PSD), Partidu Sosialista Timor nian (PST), Partidu Sentru Asaun Sosial Demokrata Timoroan (CASDT) ho Partidu Demokrata Kristaun (PDC).

Ikusmai maka FDD ne'ebé halibur Partidu Unidade ho Dezenvolvimentu Demokrátiku (PUDD), União Democrática Timorense (UDT), Frente Mudansa (FM) ho Partidu Dezenvolvimentu Nasional (PDN).

Kampaña eleitoral halo entre loron 10 Abril no 09 Maiu, forsa polítika prinsipal sira hahú ona asaun sira "konsolidasaun" nian iha rai-laran iha semana hirak ikus ne'e.

SAPO TL ho Lusa