quinta-feira, 26 de abril de 2018

Antigu prezidente parlamentu indonéziu nian kondenadu ba tinan 15 tanba korupsaun

PARTILHAR

Antigu prezidente Parlamentu indonéziu nian, Setya Novanto, hetan ona kondenasaun, iha loron-tersa ne'e, ba kadeia tinan 15 tanba korupsaun, kastigu ida ne'ebé todan liu to'o ohin loron iha nasaun ida ne'ebé rejista nível aas korupsaun nian.

"Ami deklara, lahó dúvida ruma, katak Setya Novanto hanesan kulpadu tanba viola lejislasaun antikorupsaun", deklara hosi prezidente hosi tribunal ida iha Jakarta.
Ministériu Públiku husu ona kastigu ida kadeia nian ba tinan 16.

Setya Novanto, ne'ebé sai ona hanesan polítiku ida influente liu hosi arkipélagu sudeste aziátiku nian, konsidera hanesan kulpadu tanba simu subornu sira no abuzu poder nian no dezvia fundu públiku sira ba benefísiu rasik no benefísiu ema sira seluk nian.

Iha kauza maka orsamentu ne'ebé difini hodi harii sistema foun ida hosi dokumentu identifikasaun eletróniku nian, ne'ebé maka dezvia ona kuaze euro millaun 150 entre tinan 2009 no 2015, haktuir hosi komisaun hodi halakon korupsaun (KPK).

Komisaun ne'e hanesan organizmu independente ne'ebé maka investiga no lori ba justisa kazu sira korupsaun nian no iha kompeténsia hodi haruka kaer suspeitu sira no halo nia akuzasaun formal.

Novanto envolve ona iha kazu seluk korupsaun nian, ne'ebé hanesan suspeitu naok partisipasaun ida iha multinasional Freeport-McMoRan, ne'ebé esplora mina osan-mean boot ida no riti-modok iha ár-livre, iha Papuázia.

Kazu ne'e halo nia demiti hosi prezidénsia parlamentu, iha tinan 2015, maibé hafoin hetan tiha perdaun nia fila fali ba kargu iha tinan 2016, maibé demiti fali liutiha tinan ida tanba akuzasaun foun sira.

Índise ikus hosi presepsaun korupsaun nian hosi ONG Transparency International hatudu katak Indonézia okupa fatin 96 entre nasaun sira hamutuk 180 kona-ba korupsaun.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: