quinta-feira, 26 de abril de 2018

STAE Simu Kontaktu Internasional Ba EA

PARTILHAR

DILI – Sekretariu Tekniku Administrasaun Eleitoral (STAE), simu ona kontaktu husi organizasaun internasional sira, konaba observasaun internasional ba Eleisaun Antisipada neebe sei halao iha 12 de Maiu 2018.

Direktor Jeral Sekretariu Tekniku Administrasaun Eleitoral, Acilino Manuel Branco hatete, Ministeriu Negosiu Estranjeriu (MNE) haruka ona lista balun mai ona iha STAE,  maibe STAE sei konfirma ho porsedementu neebe mak iha.

STAE simu pedidu ida mai husi Embasada Australia nian, nunemos sira simu grupu ida mai husi Universidade Vitori, tanba sira hakarak mai halo observasaun ba Eleisaun Antisipada,” tenik Acilino Manuel Branco ba Jornalista sira iha edefisiu STAE Caikoli, Dili, foin lalais nee.

Nia hatutan, observasaun internasional balun porexemplu hanesan Uniao Europeia, nunemos balun husi Amerika ninian, STAE fo ona akreditasaun, nomos Australia fo ona akreditasaun  kuaze ema 50 no ARI, husi Embasada Japaun, fo ona akreditasaun, nunemos husi Indonesia ninian sira hatudu interese boot teb-tebes, hakarak mai halo observasaun ba Eleisaun Antisipada nee.

Tuir Direktor STAE Munisipiu Dili, Agustinho R. Gomes hateten, total sentru votasaun iha Munisipiu Dili total 83 nomos estasaun votus 100 resin, total brigade 83 tuir sentru votasaun neebe mak iha. 

Notisia kompletu lee iha jornal STL edisaun Kinta (26/04/2018)

Augusto da Costa | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: