segunda-feira, 23 de abril de 2018

FRETILIN hakarak Munisípiu Seluk Nabilan Hanesan Oekusi

PARTILHAR

BOBONARU: Sekretáriu Jerál partidu FRETILIN, Mair Alkatiri, iha mehi boot atu lori munisípiu seluk sai nabilan hanesan Rejiaun Autonomo Espesiál Oekusi-Ambenu (RAEOA), liu husi programa ZEEMS ne’ebé nia lidera durante ne’e.

Agora dadaun Oekusi simu ona dezenvolvimentu ho di’ak tuir prioridade no tuir duni nia-dalan ho ninia kustu maka gastu tokon $12-resin.  

“Ida ne’e mak tenke akontese iha munisípiu hotu”, dehan Sekjer FRETILIN, Mari Alkatiri, iha kampanha komísiu, iha postu administrative Maliana Municipiu Bobonaru, Sábadu (21/4).

Nia hatutan, governu anterior halo ona Planu Estratejiku Dezenvolvimentu Nasional (PDN) maibe la implementa. Ne’e duni, FRETILIN ho vizaun boot hakarak implementa planu sira ne’e hodi aselera diak liután dezenvolvimentu iha nasaun ne’e.

PEDN ne’ebé goveru anterior la halo, sai programa prioridade FRETILIN nian atu realiza bainhira kaer ukun ba tinan lima, FRETILIN  sei harie infrastruktura baziku sira hanesan estrada, ponte, aeroportu no portu ida-diak ho kualidade.

Tanba ne’e, iha komísiu FRETILIN nian husu ba povu Timor-Leste tomak espesiál iha Munisípiu Bobonaru katak, oras to’o ona hamutuk ho FRETILIN atu dudu dezenvolvimentu ida diak ho kualidade para atu harie diak liután Esatdu ne’e iha futuru ne’ebé nabilan. 

Tomé Amado | Independente
PARTILHAR

Author: verified_user

Publicação luso-timorense sem fins lucrativos

0 comentários: