DILI, (TATOLI) – Prezidente
Repúblika, Francisco Guterres Lú Olo, sei marka prejensa iha Jornada ba Pás iha
loron 10 maiu iha Dili ne’ebé organiza hosi Komisaun Justisa no Pás Dioseze
Dili.
Jornada ho Tema ‘Hakmatek ba
Timor’ ho objetivu hametin dame no estabilidade ba eleisaun antesipa.
Prezidente Komisaun Justisa no
Pás Dioseze Dili, Padre João Soares, hateten Xefe Estadu sei hato’o mensajen
dame nian durante jornada.
ʺAmi
kontente tanba Prezidente atende ami nia konvite atu marka prejensa iha jornada
da pás iha loron 10 maiuʺ, hateten Amu
João Soares hafoin hasoru Xefe Estadu iha Palásiu Prezidensiál Bairru Pité,
ohin.
Programa ne’e sei involve lider
partidu polítiku sira, sarani, akademiku atu promove nafatin dame no hakmatek
hodi dezenvolve Nasaun.
ʺJornada
ne’e ami bolu jornada pás hamutuk ho Inan Nain Feto nu’udar inan ba pás nian,
tanba eleisaun hala’o iha loron 12 no loron 13 loron nain feto Fátimaʺ, tenik.
Jornada ne’e sei fahe ba grupu
tolu, dahuluk hahú hosi Rotunda Komoro, Rotunda Lahane no Bekora, finalidade
iha Jardim Nossa Señora Largo Lecidere Dili.
Padre ne’e realsa dame tenke sai
kultura timoroan sira nian hodi haburas demokrasia iha rai laran hodi
dezenvolve Nasaun ida di’ak liu.
Jornalista: Agapito dos Santos | Editora:
Rita Almeida
Imajen: Prezidente Komisaun
Justisa no Pás Dioseze Dili, Padre João Soares, ba jornalista sira hafoin
hasoru Xefe Estadu iha Palásiu Prezidensiál Bairru Pité, ohin. Foto
Tatoli/Agapito dos Santos
Sem comentários:
Enviar um comentário