DILI, (TATOLI) - Movimentu
Solidariedade Salva klínika Bairru Pité (MSS-CBP) konsege halibur osan ho
montante, $ 4,708.065 hodi resolve krize finanseira ne’ebé klínika Baurru Pite
enfrenta.
Portavós MSS-CBP, Faustino Soares
hateten, ekipa sentrál posku temporal fatin Asosiasaun HAK Faról Dili, konsege
halibur osan ne’e hosi povu ai leba, estudante, kondutóres transporte públiku,
negosiante ho sidadaun Timoroan balun iha Inglaterra.
ʺHodi
Movimentu nian naran hakarak hato’o agradese wain ba povu no entidades
tomak ne’ebé fó ona kontribuisaun sentavu lima hodi salva klínika Bairru Pité,ʺ
Faustino Soares hato’o iha Konferénsia Imprensa Kinta ohin iha
asosiasaun HAK Faról Dili.
MSS-SCP sei simu rezultadu asaun
solidariedade hosi ekipa hotu kompostu hosi Ekipa juventude
voluntáriu Munisípiu Manufahi, Ainaru nó mós ekipa universitáriu Instittute Of
Busines (IOB), Dili Instituto Tecnologia (DIT) iha sesta aban.
Tuir planu sei entrega fundu
hirak ne’e ba Fundadór Klínika ne’e iha loron 25 April 2018. MSS-CBP nia asaun
ba koleta sentavu sei termina iha loron 20 abril tanba ne’e presiza nafatin
kontribuisaun hosi parte hotu-hotu. Maski, rezultadu provizória ohin fó sai
ona.
ʺAmi
apela ba Públiku katak, karik ekipa movimentu solidariedade ida ne’e la konsege
mosu iha ita nia leet, bele kontribui diretamente iha posku temporal
Fatin Asosiasaun Hak Faról Dili,” nia hato’o informasaun tan.
Hodi husu nafatin ba
kontribuisaun Polisia Nasionál Timor-Leste atu asegura movimentu ninia asaun
ne’e hodi evita ema deskoñesidu mós hala’o asaun hanesan ba interese pesoál.
Entretantu Asaun solidariedade
ne’e hahú ona iha loron 4 Abríl no termina 20 Abríl. Ekipa ba movimentu nian,
kompostu hosi estudante universitáriu hosi UNTL, UNITAL,UNDIL, ASEMA, MHJTL, no
ativista Organizasaun Naun Govermentais no media sira.
Jornalista: Agapito dos Santos | Editór:
Manuel Pinto
Imajen: Movimentu Solidariedade
Salva klínika Bairru Pité (MSS-CBP)
Sem comentários:
Enviar um comentário