quinta-feira, 19 de abril de 2018

Traballador Korea Balun Abandona Servisu

PARTILHAR

DILI - Traballador barak maka iha Korea abandona sira nia servisu, tanba fizikamente laiha preparasaun diak, tan nee maka prosesu ida agora nee tenke prepara ho didiak.

Preokupasaun nee fo sai husi Sekretariu Estadu Juventude Traballu, Niviu Magalhaen ba STL, Kuarta, (18/04/2018) iha salaun GMT.

“Hau hanoin ita tenke prepara ita nia ema halo didiak, atu nunee liu tiha husi prosesu neebe naruk, ba servisu iha ema nia rai labele abandona servisu, liu-liu traballador sira neebe servisu iha area peskas nian, tenke prepara sira nia fiziku ho diak, selae maka sira foin ba servisu iha area tasi nian semana ida rua deit, sira bele halai sai,”  informa Niviu.

Nia afirma liu tan,atu resua numeru dezempregu iha rai laran maka, joven sira tenke preparadu, no sira neebe maka ba servisu ona nee, tenke fokus ho servisu, atu nunee labele taka dalan ba maluk Timor oan sira seluk neebe maka hakarak atu ba.

Iha fatin hanesan Norberto Gomes (formadu) hatutan, hanesan Timor oan ba servisu iha ema nia rai, tenke halo tuir regras neebe maka iha, atu nunee labele taka dalan ba maluk sira seluk neebe hakarak atu ba buka moris iha ema nia rai.

Notisia kompletu lee iha jornal STL edisaun Sesta (20/04/2018)

Madalena Horta/Gulhermina Franco | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: