Ezekusaun orsamental hosi konta
públika timoroan maka 67,7% iha fulan lima dahuluk tinan nian, haktuir hosi
informasaun sira ne'ebé publika iha Portal Transparénsia hosi Governu
Timor-Leste.
Portal hanesan indika katak gasta
ona dolar millaun 327,54 (besik euro millaun 279,3) entre fulan-Janeiru ho
final fulan-Maiu nian.
Tuir lei orsamental katak iha
orsamentu ho total ida dolar millaun 545,1 ba fulan lima dahuluk tinan nian,
ne'ebé ekivale ba média ida besik millaun 108 fulan-fulan.
Hosi folin ne'e hasai ona, to'o
ohin loron, osan millaun 327,54 ka besik dolar millaun 65,51, haktuir hosi
informasaun ne'ebé disponível iha Portal Transparénsia nian.
Kona-ba reseita sira, kofre sira
Estadu nian simu ona besik dolar millaun 85,6 entre fulan-Janeiru ho
fulan-Maiu, ho parte barak mai hosi impostu doméstiku sira (millaun 27,37),
hosi Alfándega (millaun 24,2) no hosi Eletrisidade Timor-Leste nian (millaun
11,57).
Informasaun sira hosi Ministériu
Finansa timoroan konfirma ona "apertu" hosi konta públika sira dezde
inísiu tinan ne'e, ho ezekutivu serbisu iha rejimi duodesimal, ne'ebé sei
kontinua aplika to'o Governu foun tuirmai aprova Orsamentu Jeral Estadu nian ba
tinan 2018.
Tribunal Rekursu valida ona, iha
loron-segunda ne'e, rezultadu sira hosi lejislativu antesipadu loron 12 Maiu,
ne'ebé manán ho maioria absoluta hosi Aliansa Mudansa ba Progresu (AMP) ne'ebé
sei harii Governu daualuk.
Seidauk iha loron ba simu pose
hosi ezekutivu no bele antesipa katak rejimi duodésimu sei aplika to'o fulan
hirak tuirmai.
SAPO TL ho Lusa
Sem comentários:
Enviar um comentário