Tilman Prefere Xanana PM, TMR Vise PM

DILI - Jurista Manuel Tilman Prefre Prezidente Partidu CNRT, atual Prezidente AMP sai Primeiru Ministru, hodi lidera VIII Governu Konstitusional.

"Hau nia preferensia katak sira nain rua nee diak hotu, maibe ida tenke ba sai Primeiru Ministru hodi lidera VIII Governu nee maka maun boot Xanana Gusmao, depois ukun tinan tolu hanesan maka bele troka fila fali ,” dehan Jurista Manuel Tilman ba STL, iha ninia servisu fatin, Pantai Kelapa, Dili, Segunda, (28/05/2018).

Nia dehan, Sira nain tolu kombina ba tinan lima mai nee, neebe karik bele hahu kedan tinan tolu mai nee maun boot Xanana maka Primeiru Ministru,Taur Matan Ruak Vise Primeiru Ministru.

Iha parte Konsilleiru Maximu Partidu Khunto Naimori Bucar hateten, konaba pasta Ministru hira maka Khunto sei hetan nee ami nia ekipa sei diskute, depois to final nee maka ami nia kandidatu Primeiru Ministru maun boot Xanana Gusmao rasik maka sei fo sai, atu pasta Ministeiru hirak maka Khunto sei hetan Khunto pronto simu, tanba maun boot Xanana maka ami nia Xefi no povu Timor laran tomak nia Xefi.

Notisia kompletu lee iha jornal STL edisaun Tersa, (29/05/2018)

Carme Ximenes/Maria Lay | Suara Timor Lorosae