quarta-feira, 30 de maio de 2018

Xanana Gusmão e Zacarias Kamwenho partisipa iha tinan 30 hosi Prémiu Sakharov

PARTILHAR

Parlamentu Europeu (PE) asinala tinan 30 hosi Prémiu Sakharov ho konferénsia ida ne'ebé sei marka prezensa, entre premiadu sira ho prémiu ne'e, polítiku timoroan Xanana Gusmão ho bispu angolanu Zacarias Kamwenho, anunsia iha loron-tersa ne'e.

Iha loron-segunda, PE sei halibur premiadu na'in 24 ne'ebé simu Prémiu Sakharov, ne'ebé fó prémiu ba liberdade pensamentu, inklui polítiku timoroan no kombatente ba independénsia nasaun nian, Xanana Gusmão (simu iha 1999) no arsebispu eméritu hosi Lubango, Angola, Zacarias Kamwenho (simu iha 2001), ne'ebé iha ona knaar importante ida iha prosesu dame ne'ebé hapara ona funu sivil iha nasaun.

Programa selebrasaun ba tinan 30 hosi Prémiu Sakharov inklui konferénsia ida no inaugurasaun hosi espozisaun ida kona-ba prémiu, iha loron-segunda, 04 Juñu, no ‘workshop’ ida iha loron 05 Juñu.

Prémiu ne'e fó, tinan-tinan, hosi Parlamentu Europeu, hahú hos tinan 1988, ba ema ka organizasaun ne'ebé defende direitu ema nian no ba liberdade fundamental sira.

Iha tinan 2015, harii ona programa anual hosi bolsa sira Sakharov nian ba defensor sira direitu ema nian no ne'ebé, iha nia edisaun datoluk, sei halibur iha Bruxelas ativista na'in 14 hosi mundu tomak ba asaun ida formasaun nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: