DILI - Tribunal Distrital
Dili, iha loron Tersa 29/05/2018 kontinua rona sasin, ba krime pekulatu,
administrasaun danoza no falsifikasaun dokumentus neebe deskonfia involve eis
ministru Obras Publikas Transportes e Comunicasoens (MOPTC), Gastao de Sousa,
padre Martinho Gusmao, inklui Gastao de Sousa nia oan Jordao Maria de Jesus da
Silva Sousa, Ferlio Afonso Bado Loi da Silva Sousa no funsionariu publiku iha
MOPTC, Diogo da Costa.
Iha julgamentu kontinuasaun nee,
tribunal rona deklarasaun husi testamuna Kay Rala Xanana Gusmao, neebe momentu
neeba hanesan Primeru Menistru.
Iha nia depoimentu deklara katak,
nia iha konesementu konaba rehabilitasaun estrada, tanba hahu husi tinan 2010
too tinan 2012, no agora dadaun estrada diak ona.
“Kareta nee, amo hatoo pedidu mai
hau hodi husi apoiu, tanba nee liu husi hau nia gavinete sosiedade sivil, hau
fo ordem ba ba menistru atu fo apoiu kareta ida ba amo, hodi halao servisu ba
komemorasaun loron Igreja Manatutu nian,” dehan testamuna iha sala julgamentu.
Nia deklara tan, konaba kareta
neebe arguidu Gastao Sousa nia oan sira uja, halo manutensaun kombustivel para
iha uma, troka plat ba privadu, testamuna la iha konesementu.
Audensia julgamentu nee prejidi
husi juis koletivu, juisa Albertina Neves, juisa Zumiaty Freitas ho juis
Antonio do Carmo, Ministeriu Publiku reprezenta husi prokuradora Lidia Soares
ho prokurador Jacinto Babo, arguidu sira hetan asistensia legal husi defensor
publiku.
Notisia kompletu lee iha jornal
STL edisaun Kuarta, (30052018)
Terezinha De Deus | Suara Timor
Lorosae
Sem comentários:
Enviar um comentário