quarta-feira, 30 de maio de 2018

Jerasaun Patriota Louva Servisu VII GK


DILI - Jerasaun patriota louva servisu neebe maka halao husi VII Governu Konstitusional durante fulan walu nia laran.

Kestaun nee hatoo husi jerasaun Patriota Francisco de Araujo Almeida ba jornalista sira iha palasiu governu, Tersa (29/05/2018), hafoin remata inkontru ho Primeiru Ministru Mari Alkatiri.

“Ita haree iha fulan walu nia laran PM Mari Alkatiri, jere buat hotu hotu lao ho diak teb tebes, tanba nee hanesan jerasun patriota ami louva ba servisu neebe maka ita nia Xefi Governu halao,” dehan Francisco.

Nia hateten, Primeiru Ministru Mari Alkatiri husu ba hotu hotu atu halao servisu ho diak, atu nunee bele fo kontribuisaun ba iha nasaun Timor Leste.

Iha biban nee Ministru Turismu, Manuel Vong ho Vice Ministru Rui Menezes hasoru malu ho Primeiru Ministru Mari Alkatiri, hodi agradese ba konfiansa neebe maka Mari Alkatiri fo ba sira nain rua. 

Notisia kompletu lee iha jornal STL edisaun Kuarta, (30052018)

Carme Ximenes Maria Lay | Suara Timor Lorosae

Sem comentários: