DILI, (TATOLI) - Xefe Negosiador
Fronteira Marítima, Xanana Gusmão, segunda lokraik horisehik partisipa iha
reuniaun Konsellu Ministru Estraordináriu hodi fó hanoin ba oitavu-Governu
kona-ba kalendáriu polítika no programa Governu ne’ebé sei diskute iha
Parlamentu Nasionál.
Prezensa Eis Primeiru Ministru no
membru Governu sira seluk ne’ebé seidauk simu pose ne’e iha Palásiu Governu
tanba konvida hosi Primeiru Ministru Taur Matan Ruak.
ʺPrimeiru
Ministru Maka Bolu hotu ami, hodi hare ba kalendáriu polítiku liuliu ba
programa no orsamentu ne’e bainhira tanba foin lalais governu diskute iha
Maubara, munisípiu Likisa,ʺ Xanana
Gusmão ba Jornalista sira segunda lokraik iha Palásiu Governu.
Xanana Gusmao husu ba Públiku atu
labele uza ninia prezensa hodi interpreta ba polítika hodi hamosu konfuzaun iha
públiku.
ʺAmi
mai ne’e tuku 6 lokraik ema la servisu ona ne’ebé ami mai partisipa hodi fó
hanoin no rona ne’ebé laiha problema ida,ʺ
Lider Karizmátiku ne’e esplika.
Entretantu, Ministru Prezidénsia
Konsellu Ministru, Agio Pereira hateten, reuniaun Konsellu Ministru
Estraordináriu ne’e hodi hare liu ba orsamentu Jerál Estadu 2018 hodi finansia
mákina estadu durante fulan haat. Hahú Setembru to’o Dezembru.
ʺOhin
governu diskute plafond orsamentu ba 2018 ba perspetiva tinan tomak nian tanba
iha dividas ne’ebé presiza hatán hosi responsabilidade estadu nian, no
konsidera duodecimo nian hosi Jullu to’o Agostu,ʺ
Agio esplika tuir.
Entretantu Oitavu governu la
konsege aprova plafond orsamentu tinan 2018 iha sorumutu ne’e tanba ministériu
ida-idak sei estuda sira nia orsamentu.
Jornalista: Agapito dos Santos | Editór:
Manuel Pinto
Imajen: Kay Rala Xanana Gusmão
Sem comentários:
Enviar um comentário