Xefe Estadu no Governu luzófonu
sira hahú reuniaun iha loron-tersa ne'e iha Cabo Verde hodi debate medida sira
hanesan mobilidade sidadaun sira nian, iha momentu ne'ebé garante katak iha
kondisaun úniku ba polítika hodi avansa ho prosesu ne'e.
Ajenda ba simeira ne'e taka iha
loron-segunda, wainhira xefe diplomasia luzófonu sira, ne’ebé hasoru malu iha
Konsellu-Ministru sira, aprova ona proposta sira ne'e, no agora sei vota hosi
Xefe-Estadu no Governu sira. Proposta ida maka atu promove mobilidade ba
sidadaun sira iha fatin luzófonia nian, asuntu ne'ebé maka Governu
kabu-verdianu fiar katak sei iha avansu.
"Ita nunka iha kondisaun
politika ne'ebé di'ak hanesan agora ne'e hodi avansa ho asuntu ne'e",
komenta hosi ministru Negosiu Estranjeiru Cabo Verde, Luís Filipe Tavares,
salienta mós katak "vontade politika ne'ebé boot" hosi nasaun
Komunidade Nasaun sira Lian Portugeza nian (CPLP) hodi konkretiza "mehi
hosi populasaun sira hosi Estadu membru sia ne'e nian atu halo sirkulasaun
ne'ebé livre ba ema no sasán".
Iha loron ne'ebé maka CPLP selebra
tinan 22, simeira ne'e hahú iha Santa Maria ho sesaun solene ba abertura, iha
oras lokal 17:00.
Prezidente brazileiru, Michel
Temer, maka hala’o intervensaun dahuluk hodi hakotu prezidénsia rotativu CPLP
nian ne’ebé maka kaer hosi Brazil, no sei asumi fali hosi autoridade
kabu-verdianu sira hafoin tuir ho deklarasaun hosi Prezidente Cabo Verde nian,
Jorge Carlos Fonseca.
Hafoin ne'e, xefe Estadu no
Governu sira ne'ebé maka prezenti iha simeira ne'e koalia: João Lourenço
(Angola); José Mário Vaz (Guiné-Bisau); Teodoro Obiang Nguema (Guiné
Ekuatorial); Filipe Nyusi (Mosambike); Marcelo Rebelo de Sousa (Portugal) ho
Evaristo Carvalho (São Tomé & Prínsipe).
Timor-Leste la reprezenta hosi
Xefe Estadu, Francisco Guterres Lu-Olo, ne'ebé kansela nia deslokasaun ba Cabo
Verde tanba difikuldade ida ho primeiru-ministru, Taur Matan Ruak, hafoin nia
la fó pose ba membru balun hosi ezekutivu foun timoroan. Maibé, ministru
Negosiu Estranjeiru no Kooperasaun Timor-Leste, Dionísio Babo, ba hodi
reprezenta Prezidente timoroan.
Tuir mai, hetan mós intervensaun
hosi reprezentante Asembleia Parlamentar CPLP nian no sekretária-ezekutiva hosi
organizasaun Maria do Carmo Silveira, no mós reprezentante hosi observador
asosiadu sira.
Iha final ba loron ne'e,
Prezidente cabo-verdiano oferese jantar ida ba Xefe Estadu no Governu sira.
Ba loron-kuarta ne'e sei hala’o
de'it debate politiku no aprovasaun ba proposta sira no Deklarasaun Santa
Maria.
Iha Simeira ne'e sei hili
sekretáriu-ezekutivu foun CPLP nian, hili hosi Portugal, embaixador Francisco
Ribeiro Telles, ba periodu tinan rua 2019-2020.
Aleinde CPLP, iha mós aniversáriu
seluk ida ne'ebé selebra: primeiru-ministru portugés, António Costa, ne'ebé
loron-tersa ne'e halo tinan 57.
Durante konferénsia xefe Estadu
no Governu CPLP ba dala 11, ne'ebé ho tema "Kultura, Ema no Oseanu
sira", Cabo Verde sei asumi prezidénsia ba organizasaun ne'e, durante
periodu tinan rua.
Angola, Brazil, Cabo Verde,
Guiné-Bisau, Guiné Ekuatorial, Mosambike, Portugal, São Tomé & Prínsipe no
Timor-Leste maka halo parte hanesan Estadu-membru CPLP nian.
SAPO TL ho Lusa
Sem comentários:
Enviar um comentário