Fatin ne'ebé halo ró iha Figueira da Foz nian iha insolvénsia no hamosu risku enkomenda Timor nian

Partidu Komunista Portugés (PCP) fó alerta iha loron-kuarta ne'e ba falta apoiu ne'ebé "króniku" ba indústria naval, ne'ebé maka afeta estaleiru sira iha Figueira da Foz nian, ne'ebé iha fali situasaun insolvénsia nian ona, maski ho kompromisu kontratu sira ho Timor-Leste.

"Responsável sira hosi situasaun insolvénsia ne'ebé akontese daudaun iha unidade ne'e tuur iha kadeira oioin poder nian. Ba dala uluk, Governu Sentral no ministériu sira hosi área ne'e, sira fila kotuk hotu ba dezenvolvimentu no apoiu ba indústria tradisional portugueza", kritika komunista sira iha komunikadu.

Kona-ba estaleiru naval sira Figueira da Foz nian, ne'ebé suporta hosi empreza Atlantic Eagle Shipbuilding ne'e, PCP refere katak, aleinde hamosu problema ba enkomenda sira ne'ebé iha, bele afeta mós kredibilidade hosi Estadu portugés ba "kompromisu sira ne'ebé asumi ona ho nasaun belun ida, ne'ebé fiar ona iha kapasidade industrial hosi ita nia nasaun no, iha nia boa fé, ne'ebé agora bele sai hanesan iluzaun".

Administrasaun portuária mós hetan krítika hosi estrutura komunista, tanba hanesan "ligadura ida ba dezenvolvimentu hosi empreza ida ne'ebé hakarak afirma iha atividade ne'e maibé hasoru daudaun ho renda fulan-fulan besik euro rihun 30 resin".

Munisípiu ne'ebé lidera hosi João Ataíde (PS) ne'e mós hetan kritika tanba "interesadu liu ho projetu sira dezenvolvimentu urbanístiku iha marjen súl" no nunka atu preokupa ho Estaleiru Naval sira, "sai ona marka no karik sei kontinua hodi halo projesaun ba Figueira da Foz, hanesan akontese ona iha pasadu foin lalais ne'e, iha nasaun ne'e no iha estranjeiru".

"Situasaun ne'e labele kontinua! Presiza solusaun sustentavel ida ne'ebé asegura manutensaun industria ne'e nian, ne'ebé fundamental ba sidade, ba rejiaun no ba nasaun ne'e", reklama hosi PCP.

Iha komunikadu ne'e mós, Kámara Figuera da Foz ne'e salienta katak hamutuk nafatin ho CGTP hodi defende fatin serbisu sira hosi estaleiru naval sira nian.

"Ita fila oituan ba pontu interupsaun, ami konfronta agora ho prosesu insolvénsia foun. Iha ne'e mós, ho kolaborasaun ho Komisaun Traballador sira no CGTP, ami tenta atu haree solusaun finanseira ida, ne'ebé ho prioridade atu asegura manutensaun postu serbisu sira nian o sei onra servisu internasional sira ho Republika Timor", lé iha nota ne'e.

Munisípiu deskonfia mós responsabilidade sira iha prosesu, deskonfia katak PCP, "kona-ba traballador sira nia hirus, ne'ebé duun mai ami responsabilidade sira ne'ebé hatudu ona katak ami hamenus intensidade iha atividade, hodi hatutan katak laiha, no nunka ezisti hosi parte Ezekutivu ne'e intensaun ruma hodi urbaniza maka'as fatin ne'e".

"Ami iha konsiénsia katak buat hotu ne'ebé ami halo tiha ona no buat hotu ne'ebé ami kontinua halo ba investigasaun sientífika no teknolójika sei konkretiza iha konsellu ne'e liuhosi Marefoz", refere hosi komunikadu autarkia nian ne'e.

SAPO TL ho Lusa | Foto: Atlanticeagle Shipbuilding em Facebook