Autoridade sira hasae nivel alerta vulkaun Anak Krakatoa

Autoridade indonezia sira hasae tan iha loron-kinta ne'e alerta ba vulkaun Anak Krakatoa, loron lima hafoin ninian erupsaun ne'ebé maka halo orijina tsunami ida ne'ebé maka halo ema mate na'in 430, lakon na'in 159 no rihun 22 resin maka la iha hela-fatin.

Porta-voz Ajénsia Nasional Jestaun Dezastres nian, Sutopo Purwo Nugroho, hatete katak alerta ne'e pasa ba nivel 3, as liu ba dala-rua iha eskala 4 nian, no raiu eskluzaun iha vulkaun nian estende hosi kilometru rua ba lima.

"Populasaun no turista sira proibidu hodi halao naran atividade ida iha raiu kilometru lima", hosi Anak Krakatoa, hatete porta.vo iha komunikadu.

Ajénsia meteorolojika sira mós rekomenda hodi suspende atividade sira ne'ebé maka menuz hosi kilometru ida hosi kosta nian, hodi prevende posibilidade ba tsunami foun ida.

Ekipa rezgate sira halo operasaun ho t6empu ne'ebé limitadu tebes, ho esperansa ne'ebé kiik atu hetan sobrevivente sira iha dezastre, ne'ebe´maka tuir balansu ikus, halo ema mate na'in 430, kanek na'in 1.495 no rihun 22 lakon hela-fatin.

Iha loron-kuarta, autoridade sira husu tiha ona ba populasaun no vizitante sira hodi evita kosta, enkuantu erupsaun sira no kondisaun meteorolojika no tasi nian sei monitoriza hela hodi avalia risku ba tsunami foun.

Xefe Ajénsia Meteorolojia, Jeofizika no Klimatolojia nian, Dwikorita Karnawati, alerta katak iha posibilidade rejista ondas bopo no udan boot, iha momentu ne'ebé maka parede kratera vulkaun nian ariska monu.

Iha konferénsia imprensa iha tersa-feira, responsavel hatete katak klima no erupsaun ne'ebé kontínua "bele halo rai monu iha fatuk boot kratera nian ba tasi".

"Ami tauk katak ida ne'e bele provoka tsunami ida", akresenta Karnawati.

Violenta erupsaun vulkaun Anak Krakatoa nian, kilometru 50 besik tasi laran dezde tasi carita, ne'ebé maka iha sabadu kalam ne'e provoka deslizamentu rai ne'ebé maka kria ondas ass metru rua no tolu no demora minutu 25 hodi too iha kosta.

Tsunami ne'e surprende vizitante sira barak iha tasi iha enklave ne'e, ne'ebé maka Governu promove hanesan destinu turistiku.

Pior tsunami iha Indonezia akontese iha loron 26 Dezembru 2004 iha Norte Sumatra no halo ema mate na'in rihun 230 resin iha dezena nasaun sira ne'ebé maka iha Oseanu Índiku, ne'ebé maka rihun 168 iha teritoria indoneziu.

SAPO TL ho Lusa