MALIANA (TATOLI) — Bispu Dioseze
Maliana, Don Norberto do Amaral, hateten Natal ne’e Jesus lori dame ba ema
hotu, tan ne’e husu ba líder istóriku sira dame malu ba nune’e lori Timor no
povu ida ne’e bele hetan hakmatek.
“Igreja nia hanoin maka husu ba
líder istóriku sira atu túr hamutuk halo diálogu. Bainhira líder sira túr
hamutuk diálogu, buat sira ne’e rezolvidu,” Don Norberto ba jornalista sira iha
nia rezidénsia, Maliana Vila, Munisípiu Bobonaro, semana kotuk, relasiona ho
impase polítika ne’ebé seidauk iha nia rohan.
Atu bele halo diálogu ida di’ak,
tuir Bispu, husik partidu sira ne’e ba kotuk, maibé tau ás interese nasionál
(bem comum) tanba bainhira tane ideolojia polítika entaun sei hasoru susar
boot.
Iha parte seluk, nia dehan,
dezenvolvimentu iha Timor-Leste la’o duni maibé neneik liu, tanba
dezenvolvimentu liu-liu estrada hosi nasionál liga ba munisípiu no munisípiu
liga ba postu to’o suku sira át tebes.
Maske neneik laiha buat ida,
maibé importante maka povu nia nesesidade ne’e Governu tenke hatán liu-liu
saúde, edukasaun no agrikultura.
Jornalista: Xisto Freitas | Editór
: Manuel Pinto
Imajen: Bispu Dioseze Maliana,
Don Norberto do Amaral
Sem comentários:
Enviar um comentário